Da Begad ? ده بجد شوف اللي بتعمله بوست بجد ولا لأ

علمياً البصل مفيد فعلاً للكحة والربو والأحتقان بس لو المريض أكل او شرب منقوع البصل مثلاً لكن الكلام عن ان شرائح البصل لما بتتحط في الشراب طول الليل بتنزل الحرارة أو لو اتحطت في الغرفة بتقتل الفيروسات فهو غلط ومجرد إشاعات.

معظم أخبار الصحفي ده كذب عشان محدش يسألنا عليه تاني.

القصة دي قديمة أوي ، و الناس اللي فى البوست دي جمعية المستودع الخيري بمحافظة ينبع السعودية بتوزع وجبات إفطار للمعتمرين القادمين من ميناء السويس بجمهورية مصر العربية إلى ميناء ينبع التجاري في 2014.

الموضوع ده في امريكا مش في مصر. و لحم الفأر لونه مش ابيض .. لونه غامق ( زي لون لحم الأرانب ) و صاحب الصورة رافض يعمل تحليل للحمة دي أو حتى يرد على القنوات الأخبارية. تحديث: بعد اخترارات الDNA طلع انها فرخة مش فار.

دول مش أطفال مخطوفين .. منهم اتنين ولادها و اتنين أولاد أصحابها بس بتستغلهم في التسول

إشاعة وندى سلامة نفتها بنفسها على الحساب بتاعها .

دي حملة تراخيص و تعديات في شارع النصر في المعادي مالهاش علاقة باللحمة ( كشري التحرير كمان اتقفل )

الصفحة نفت اي علاقة للمهندس احمد جلال بالصفحة.

اللي نزل خبر توريد لحوم الحمير للمطاعم موقع اسمه العاصمة نيوز و كانوا كاتبين الخبر من “مصدر مطلع” .. بعدها المطاعم دي قالت انهم هيرفعوا قضية ضد الموقع .. فالموقع شال اسامي المطاعم و كتبوا خبر جديد بيقول ان المطاعم دي افضل المطاعم المصرية 🙂 كمان صاحب المزرعة قال ان …

اللي في الصورة ده الرائد هشام عتمان مش الرائد فهمي بهجت .