الاسطورة بتقول

العبيد/اليهود هما اللي بنوا الأهرامات

الحقيقة

بناة الأهرامات عمال مصريين.. مش عبيد .. مش يهود .. مش قوم عاد .. مش مخلوقات فضائية. كان دايما بيتقال ان المؤرخ هيرودوت هو اللي قال ان عبيد يهود هما بناة الأهرام و طبعا افلام هوليوود اكدت الفكرة دي .. لكن الحقيقة ان هيرودوت ما قالش ولا عبيد ولا يهود.

كمان الباحث الأثري الإسرائيلي سيمشا جاكوبوفيشي قال ان اليهود مابنوش الاهرامات ( اصلا تم بناء الأهرامات قبل قدوم اليهود مصر بالاف السنين ) الأهم من كل ده اكتشاف مقابر العمال جنب الأهرامات سنة 1990 و الكشف عنها سنة 2010 .. و دي وضحت تفاصيل كتير و دقيقة منها انهم كانوا مصريين بياخدوا فلوس مقابل شغلهم و اللي مات منهم تم تكريمه و دفنه جنب الأهرامات المقدسة بالنسبالهم و كانت فيه رعاية صحية و غذائية ليهم ( كان بيدبح يوميا 21 ماشية و 23 اغنام )