Da Begad ? ده بجد شوف اللي بتعمله بوست بجد ولا لأ

مجلس الوزراء نفى الخبر وقال ان الدراسة مستمرة مع تطبيق الإجراءات الاحترازية. ومفيش اي خبر عن الإغلاق لحد دلوقتي.

كلمة  السيسي مجتزئة من مؤتمر صحفي على هامش القمة العربية الأوروبية الأولى في فبراير 2019 و ماكرون محضرش القمة دي واللي حضر هو وزير الخارجية الفرنسي وكلام السيسي كان موجه لصحفي اجنبي سأله عن حقوق الأنسان وتطبيق حكم الاعدام

الخبر كان نقلا عن صحيفة The sun الإنجليزية وبعدين بوجبا نفى الخبر على صفحته الرسمية وبعدين The sun عدلت الخبر.

الصور أثناء مهرجان الجونة من لقاءها مع قناة ON، والصور متعدل على ألوانها

فان دايك مصاب بقطع في الرباط الصليبي فعلا لكن دي صورة بطل الدرجات البلجيكي فيليب جيلبير ونشر الصورة على حسابه بعد إصابته بكسر في راس الركبة سنة 2018. View this post on Instagram When you have a broken knee cap and decide to keep going for another 60km 🤕 A …

الصورة قديمة من 2016 في محافظة الفيوم لطلبة مدرسة الشواشنة الابتدائية  وهما بيعدوا من على الجسر الخشبي قدام المدرسة بتاعتهم .

الحادثة قديمة و مش في مصر دي كانت سنة 2019 في منطقة عين السبع في مدينة الدار البيضاء في المغرب.    

الواقعة حصلت سنة 2019 في مدينة الجلفة في الجزائر مش في مصر، ووقتها كان الشيخ عنده 75 سنة وزوجته عندها 47 سنة.

القصة كلها تأليف. مصورة الصورة قالت ان دي كانت انثى فهد بتعلم وبتدرب اولادها ازاي يقتلوا الفريسة لكن ولادها كانوا بيلعبوا مع الإمبالا (نوع من أنواع الظباء ) بدل ما يتعلموا يفترسوها وقالت ان الإمبالا كانت في حالة صدمة ومشلولة من كتر الخوف عشان كدة كانت مش بتتحرك أو بتهرب …

الفيديو متصور بتقنية تسريع الوقت Time lapse ومكتوب في وصف الفيديو ان التصوير الحقيقي بيحتاج ساعتين ونص في مسافة 515 كم من أوساكا لطوكيو. الرقم القياسي للسرعة 603 كم/س سجله القطار L0 ماجليف (المغنطيسي) الياباني سنة 2015.