Da Begad ? ده بجد شوف اللي بتعمله بوست بجد ولا لأ

رئيس جوجل قال كده فعلا بس وضح إن ده بسبب إنها هتبقي أساسية في حياتنا لدرجة إننا مش هنشعر بيها زي الفرق بين اللمبة زمان و دلوقتي

حنفية اصلها من كلمة “حونفية” و معناها صنبور في اللغة القبطية اللي هي متطورة من اللغة المصرية القديمة. و فيه كلمات كتير جدا لسة بنستخدمها في مصر و هي كلمات مصرية فرعونية/قبطية قديمة زي : ايوه .. بح .. امبوه .. أباي/أباه ( للأستنكار ) .. ام قويق ( طائر …

التغيير في تردد اذاعة القرآن الكريم في الكويت لمدة 3 ايام. تردد اذاعة القرآن الكريم من القاهرة زي ما هو (98.2 FM).

فعلا مؤهلات السيسي مش مكتوبة، الموقع مش دايما بيكتب مؤهلات الناس .. مثلا رئيس فرنسا ورئيسة وزراء لاتفيا ورئيس وزراء السويد وناس تانيين مش مكتوب مؤهلاتهم.   وفي 2013 هشام قنديل ماكنش مكتوب انه رئيس وزراء اصلا.

الأتنين ملازمين استشهدوا في 2014 الأول الملازم أول أحمد عرفه استشهد في شمال سيناء. الثاني الملازم أول أحمد محمد حيدر استشهد في القليوبية. و اللي ناشر البوست سايب الشريطة السودة على صورهم و مع ذلك الناس مصدقة عادي!

الفيدو من مسيرة يوم 22 يناير .. يعني قبل مقتل شيماء.

دي مش شيماء الصباغ .. دي هدير مكاوي و هي اللي قالت كدة بنفسها.

اللي بيشيلها ده مش ظابط ده المحامي “سيد أبو العلا” عضو حزب التحالف الشعبي و كان واقف معاها من الأول.

الفيديو مش في مصر، ده في مول تجاري في اوزبكستان لناس اول مرة تستعمل السلالم المتحركة. (مش عارفين يطلعوا علي السلم وبيقعوا فاستخدموا زرار الطوارئ)

الصورة قديمة