Da Begad ? ده بجد شوف اللي بتعمله بوست بجد ولا لأ

الموز ده لونه من برة أحمر بس من جوة زي الموز العادي .. طعمه مسكر أكثر و فيه نكهة توت خفيفة .. غني بفيتامين سي و بيتزرع في آسيا و أمريكا الجنوبية

فوتوشوب و اللي عملها كسل حتى يكتب حسني مبارك بالعبري و ساب كلمة ألماس ( Diamonds )

أولا اللبس الأبيض بيبقى لبس الكهنة في القداس … بعد القداس حتى لو داخل الكنيسة بيكون اللبس أسود. ثانيا دي كنيسة قديمة مش جديدة تم افتتاحها في 2007 مش أول مرة يتعمل فيها قداس

دي صورة إيفا براون اللي كانت على علاقة مع هتلر لمدة14 سنة و في الآخر انتحروا مع بعض بعد جوازهم بـ 40 ساعة. ( تحاليل الـ DNA لرفات إيفا أثبتت أنها يهودية ) الحب الأول لهتلر كان لواحدة اسمها ستيفاني إيزاك و دي هتلر كان فاكرها يهودية بس اتضح بعد …

القصة إن الأرملة اتمسكت و هي بتزني مع راجل متجوز و الناس اللي مسكوها ( 8 أشخاص ) ربطوا رفيقها و ضربوه و بعدها اغتصبوها . فحكم الجلد بسبب الزنا مش بسبب انها تم اغتصابها. فيه 3 من اللي اغتصبوها اتمسكوا ( منهم طفل عنده 13 سنة ) و هايتحاكموا

أولا مفيش جريدة في فرنسا بالأسم ده ثانيا الخبر ده طلع السنة اللي فاتت على صفحات الفيسبوك ( اغسطس 2013 ) و بعدها مواقع نقلت منه و بدأ ينتشر تاني من كام يوم.

الحوت ده من أشهر الحيتان في العالم و أسمه ميجالو بس مش هو الحوت الأبيض الوحيد في العالم , فيه غيره. و كان أول ظهور ليه في 1991 بعد كده ظهر أكثر من 50 مرة قبل صورة جيني دين اللي اتصورت في أغسطس 2013

الكلام ده غلط جدا النوم بعد ايقاف المنبة أو بعد ما يعرف يالـ snoozing من أكثر الحاجات اللي بتضر الجسم و بتسبب الإحساس بالتعب طول اليوم و بتضر بالساعة البيولوجية للجسم.

 فوتوشوب 100 %

ماكانش بيعلن ايمانه .. الصورة كانت في احتفال إنهاء الانقسام داخل الكنيسة الأرثوذكسية الروسية سنة 2007. دع غير ان بوتين مش ملحد اصلا