Da Begad ? ده بجد شوف اللي بتعمله بوست بجد ولا لأ

دى مش اشارة رابعة هو كان بيقول ان بعد مرور 4 سنين فى سوريا فيه 200 الف واحد اتقتلو ولسه مفيش حل للأزمة الترجمة العربي فى الدقيقة 9:44 . و الترجمة الإنجليزي فى الدقيقة 10:09.

صورة يافطة السيسي فوتوشوب

أولاً: الغلاف مضروب و الوزارة نفت الكلام ده ثانياً: مافيش حاجة اسمها دراسات اجتماعية في ثانوي (فيه تاريخ و جغرافيا) ثالثاً: كتاب تاريخ أولى ثانوي عن مصر القديمة و ده شكله

دي مغنية تونسية اسمها امينة فاخت كانت بتعمل حركة على المسرح .. ماماتتش ولا حاجة

دي اشاعة طلعت عليه سنة 2010 و هو نفاها بنفسه

ده كان أقتراح للمجلس المحلي في الجيزة سنة 2000 مش من الرئاسة و تم الموافقة لكنه لم ينفذ بشكل رسمي و فضل أسمه شارع انس ابن مالك لحد دلوقتي.

ده تمثال لفنان أسترالي اسمه Ron Mueck شغال في انجلترا.

الفيديو متركب .. عاملينه بيمشي لما بيقول “وياه أنا ماشي ماشي ماشي” .. و بيرجع لما بيقول “ أنا راجع للمحبوب” . في الفيديو الأصلي مش بيعمل كدة طبعا

ولا السيسي ولا البعثة الدبلوماسية الحالية ليهم علاقة بالمخالفات دي. فيه مخالفات بحوالي 2 مليون دولار لبعثة مصر فعلا بس دول مخالفات لحد سنة 2002 بعد كدة القانون اتغير و مخالفات بعثة مصر من2002 لحد دلوقتي أقل من 5000 دولار.

أولا دي صورة زياد الجراح مع محمد عطا ( بتوع احداث 11 سبتمبر ) مالهمش أي علاقة بأبوبكر البغدادي. ثانيا ابوبكر البغدادي أسمه الحقيقي ابراهيم عواد ابراهيم علي البدري .. بالتالي أخوه أكيد اسمه مش هيبقى محمد بكر البغدادي. اللي طلع الخبر موقع اسرائيلي ساخر و فيه مواقع افتكرته بجد