Da Begad ? ده بجد شوف اللي بتعمله بوست بجد ولا لأ

دي هجرة مش ظاهرة نادرة، حصلت قبل كدة كذا مرة والفيديوهين فعلا هناك لكن قدام، واحد في 2016 وواحد قبل حريق المسجد ب 6 ايام. وحصلت قبل كدة برضو سنة 2015. https://www.youtube.com/watch?v=Tp56hz9NI24

الفيديو معمول بنظام المؤثرات ، و صاحب الفيديو مقدم نفسه على إنه مصمم  مؤثرات .

مش صدفة، حسام جدوع بيدرس في البرنامج الرئاسي للشباب ولما قال للسيسي “مانتخبتكش” كان في الدورة الأولى للبرنامج الرئاسي لتأهيل الشباب، وكان مشارك برضو في المؤتمر الشبابي الشهري في أسوان.

دي صورة من 2012 نشرتها واحدة من الكتائب في سوريا اسمها ” كتائب المهاجرين ” لجندي مسيحي بعد اقتحام قاعدة دفاع جوي للجيش السوري.

ده فيديو معمول ببرامج الجرافيكس و موجود على اليوتيوب من 2015 ، و كان صاحب الفيديو (Michael Schmidt) عامل الأحداث في مطار فرانكفورت كأنها حقيقية ، و ده مش أول فيديو يتعمل بنفس الطريقة

مش حقيقي، ابنه عايش ودي لعبة ادهاله ابنه في كأس الامم الافريقية 2015 للحظ والتفاؤل.

مش حقيقي، الخبر نزل على موقع ساخر و مش موجود على مدونة الواتساب او اي موقع رسمي.

محامي أبو تريكة نفى ازالته من القائمة وقال انه لسه مقدمش الطعن.

الفيديو لسة موجود كامل على الموقع ، و الصفحة الرسمية لفودافون نفت الكلام ده ، كمان موجود على التلفزيون كامل لغاية دلوقتي

ده مش حساب هشام جنينة الرسمي، ده حساب ساخر (Parody).