Da Begad ? ده بجد شوف اللي بتعمله بوست بجد ولا لأ

دي كانت كوسة مش خيار و الصور كانت لمظاهرة للاعتراض علي حكم براءة مبارك و معاونيه في محاكمة القرن 30 نوفمبر 2014

فيديو متركب

أولا الخبر مش متكتم عليه و نزل في كل الجرائد. ثانيا اللي غرق ده مش قرص فوار هيتحلل في المياه .. الفوسفات اللي غرق ده حجر خام و ده شحيح الذوبان جدا و علشان يتم إستخلاص الفوسفات منه بيبقى بطرق صناعية و كيميائية معقدة و اليورانيوم اللي فيه بيعدي بمراحل …

ده معسكر قوات حفظ السلام ( MFO )

الصورة الاولى نزلتها بيبسي فعلا على صفحة بيبسي بلجيكا، لكن الصورة التانية مش كوكاكولا اللي عملتها.

الصورة من حفل تكريم محجبات في بلدية صيدا في لبنان… و بالنسبة لألمانيا فالحجاب مسموح به عادي في الشوارع لكن كان ممنوع على المدرسات في نص الولايات من 2003  وعلي موظفي الخدمة المدنية  في ولاية Hesse و تم السماح به من قريب بحكم من المحكمة الدستورية بالنسبة للمدرسات.

لأ حد غيرها ( و مش شبه بعض حتى ) صاحبة الصورة اسمها منال و وضحت ده عندها في الصفحة. انجي كمان وضحت انها مش صورتها.

فوتوشوب الحارس معمول أطول من الحقيقة ( قال يعني ناقص طول ) و بتوع شركة الأمن الخاصة راسهم متغير اتجاهها علشان يبقوا بيبصوله لفوق.

مش حقيقي… الصورة قديمة من 2012 لصحفية اسمها نور تاجوري و كانت الصورة تعبير عن حلمها أنها تبقي أول مذيعة محجبة في أمريكا لكنها لسه مبقتش مذيعة.

الشركة المطورة للبرنامج نفت الكلام ده، البرنامج بيحتاج الميكروفون عشان يردد كلامك او يرد علي اسئلتك، وبيستخدم الكاميرا لقراءة تعبيرات الوجه لكن مش بيصور او يحفظ صور. ممكن تشغل نظام child mode عشان الاسئلة تتناسب مع الاطفال. معظم البرامج بيكون ليها الصلاحية للوصول للصور والمكان والميكروفون والاسماء،……