تكنولوجيا

دي شريحة إسمها “Near Field Communication “NFC ودي خاصية لنسخ البيانات في الأجهزة القريبة منها ملهاش أي علاقة بالتتبع .

دي مش طائرات شفافة .. دي مجرد فكرة لطائرات مغطاة من الداخل بشاشات OLED مرنة و لسه بيدرسوها للمستقبل.

(الفيديو بيتكلم عن عربية ذاتية القيادة وبيعرضوا مشهد متركب والعربية بتخبط واحد) الفيديو متقطع ومتركب عليه جزء الحادثة. العربية لسه نموذج والتنفيذ لسه مبدأش!

الصورة قديمة من على موقع اسمه lifehacker و الهدف منها شرح طريقة للبس السماعات بحيث متقعش من الأذن بطريقة متكررة. الضرر الحقيقي على الأذن هو في رفع الصوت في السماعات و لبسها فترات طويلة.

الشركة المطورة للبرنامج نفت الكلام ده، البرنامج بيحتاج الميكروفون عشان يردد كلامك او يرد علي اسئلتك، وبيستخدم الكاميرا لقراءة تعبيرات الوجه لكن مش بيصور او يحفظ صور. ممكن تشغل نظام child mode عشان الاسئلة تتناسب مع الاطفال. معظم البرامج بيكون ليها الصلاحية للوصول للصور والمكان والميكروفون والاسماء،……

الحقيقة ان الشاحن و هو مش متوصل بيسحب من 0.1 ~0.5 وات، و فى شواحن بتوصل للصفر.

الرقم اللي بيظهر لما تعمل الكود ده اسمه IMEI والرقم ده مالوش علاقة بمكان التصنيع أو جودة الصناعة للموبايل

أي كلام. أولا ستيف جوبز مش هو اللي عمل اللوجو .. اللي عمل اللوجو مصمم اسمه Rob Janoff و قال ان ستيف جوبز لما قابله ماطلبش منه أي طلبات في اللوجو غير انه مايبقاش شكله ( كيوت ) .. و بس كده .. ماقلوش أي افكار يحطها. ثانيا المصمم ماكنش …

الفكرة مش كده خالص . طريقة التسوق دى موجودة من 2011 فى كوريا الجنوبية  و اتعرضت فى برنامج خواطر 8 سنة 2012. و هى متاجر وهمية عملتها شركة هوم بلس موجودة فى محطات المترو كحل للتوسع من غير زيادة عدد المحلات . و ده عن طريق بوسترات مطبوع عليها المنتجات …

ده مش حمام و مش فى اليابان . ده كان معرض للالعاب فى ألمانيا سنة 2007 و سونى عرضت فيه PlayStation 3 لأول مرة .