Da Begad ? ده بجد شوف اللي بتعمله بوست بجد ولا لأ

اشاعة قديمة .. سونيتا ويليامز هي صاحبة الرقم القياسي لأطول رحلة فضائية لامرأة. من أصول هندية .. هندوسية متدينة (بتاخد معاها في رحلاتها كتب و تماثيل دينية) و قالت بعد واحدة من رحلاتها مرة ان “غانيش” ( إله هندوسي في شكل فيل) كان بتاخد باله منها اثناء الرحلة. غير ان …

– مفيش أي شارع من الشوارع المحيطة بمنطقة البرجين فيها شارع بالإسم ده. – عدد كلمات السورة أكتر من 2001. – أرقام الأبراج مش 108 ولا 109، لكن واحد فيهم شمالي والتاني جنوبي، وحتى عدد طوابق كل واحد فيهم مش 108 ولا 109، كل برج بيتكون من 110 طابق.

مش فضائيين ولا حاجة طبعا 🙂 دي حمله دعائيه جديدة لسه مش معروف عن ايه (زي الفنكوش كده) بس الموقع الرسمي للحملة (بتاع الفضائيين ) متسجل لشركة سامسونج

الصوره ل sebastian vettel بطل العالم لسباقات فورمولا و الصورة كانت لما اخد بطولة العالم للمرة الرابعة

 ده لاعب برازيلي اسمه cristiano junior توفي سنه 2004 في ماتش في الدوري الهندي

دي حفله تخرج في كنيسة في السويس و عاملين علامة  اربعة  ( خلصوا سنة رابعة يعني ) و كمان واضح من اللبس. دي صور تانيه من الحفلة

صوره زي دي كانت منشوره زمان علي انها شهيده مبتسمه و عملنا عليها بوست  هي ولا بتمثل انها شهيدة ولا شهيدة دول ناس من ماليزيا بيتعلموا طريقه التكفين و الصور موجوده من سنه 2011

قاضي محاكمة محمد مرسي اسمه احمد صبري يوسف رئيس الدائرة 23 جنايات شمال القاهرة

اولا ده كوبي برايلت مش ليبرون جيمس ثانيا الصورة من 2009 بعد فوزه برابع بطولة ليه

دي ولا حفيدة الفنان حسن حسني ولا تايهة دة بوست معمول علشان تجميع لايكات للصفحة اللي عملاة مش اكتر الصورة المستخدمة لطفلة من السعودية اسمها جلنار