Da Begad ? ده بجد شوف اللي بتعمله بوست بجد ولا لأ

الصورة تخيلية من حملة اعلانية في استراليا لأسطول حماية المخلوقات البحرية من الصيد و الموضوع ده مش جديد .. الاتحاد السوفيتي بدأ تدريب و استخدام الدرافيل كقوة بحرية من السبعينيات.

فوتوشوب تركيب صورة لبذور اللوتس مع صورة جسم أنسان و الفيديو نفسه سبام اللي بيتضايق من المناظر دي بيبقى بسبب التربوفوبيا وهو الخوف من الثقوب والشقوق

فوتوشوب .. و مافيش أثبات لوجود ما يسمى بالنمر الأزرق المالطي

ده مش أوباما. ده جندي أمريكي اسمه Jeffrey Hodge بيبكي على 3 جنود من وحدته أتقتلوا في تفجير مدرعة في أفغانستان.

ده فيديو من فيلم اسمه The Centrifuge Brain Project و الألعاب اللي في الفيدو مش حقيقية.

ده من 2013

الخبر  أتشال منه كلمة “حقيقة” وزير العدل كان طالب بإلغاء الفائدة علشان الناس تبقى بتشتري الشهادة حبا في مصر مش طمعا في الفائدة الفائدة موجودة عادي

هو توفى .. بس في 2012 بس اللي عمل البوست ما عرفش غير دلوقتي عشان هو مش ممثل!

الصور قديمة و مفيش صفقة قمح روسي ب 500 ألف طن أصلا

طبعا ده أي كلام .. الذكاء و الذاكرة ليهم أنواع كتير و فيه نظريات كتير اتعملت علشان تحدد و تقيس الانواع دي. و فيه نظريات كتير منهم بتعتبر الذاكرة عنصر من عناصر الذكاء. مش شرط لو حد ذكي تبقى ذاكرته قوية بس الأكيد ان النسيان مش علامة من علامات الذكاء.