Da Begad ? ده بجد شوف اللي بتعمله بوست بجد ولا لأ

الفيديو قديم ومش في نفس مكان الحادث اللي حصل السنة دي.

كلام غلط . فيروس الايدز مش بيعيش خارج الجسم فترة طويلة و مش مثبت انه ممكن ينتقل عن طريق اللمس . لازم سوائل من جسم المريض تلمس اغشية مخاطية (داخل الفم مثلا) او انسجة تالفة او مصابة (جرح مثلا) او حقن مباشر . فيروس الايدز مش ممكن ينتقل عن طريق …

كالعادة أي كلام.. الموضوع ده إتكرر في أخر 20 سنة تقريبا 6 مرات

البوست ده من صفحة ساخرة و الصفحة ديه غيرت أسمها بعد كدة و بقى Drelhelali El Sherbeiny Helali Lovers الصفحة القديمة اللي بأسم د. الهلالي كانت فعلاً فيها أخطاء املائية بس اتقفلت بعد توليه الوزارة.

صورة حازم إمام دي؛ واللي هي الدليل الوحيد على إن لاعبي الزمالك راحوا لدجال؛ صورة قديمة (كان حالق زيرو و دلوقتي شعره طويل).. وبعدين مرتضى حلف بالطلاق يا جماعة.

مش هو و الصورة قديمة من 2014 و من أمام مسجد أحمد قديروف (Akhmad Kadyrov) في الشيشان و الخبر ده موجود في مواقع اسلامية بس.

الصورة قديمة و مش من مصر من حديقة حيوان أوديسا (Odessa) بأوكرانيا

دي لحظة سقوط الرافعة على سقف المسعى مش حادث جديد والدفاع المدني السعودي قال ان المكان آمن حاليا.

الصورة اللي عالشمال قديمة و ملهاش علاقة بالأحداث.

اللي في الصورة ده نسر مش صقر، و الاتنين مش بيمروا باي مرحلة من المراحل ديي والظاهرة الوحيدة اللي بتحصل للنسر ان الريش بيقع مع الوقت وبينمو غيره. متوسط عمر النسر من 20 ل30 سنة و متوسط عمر الصقر من 16 ل20 سنة.