Da Begad ? ده بجد شوف اللي بتعمله بوست بجد ولا لأ

صورة حازم إمام دي؛ واللي هي الدليل الوحيد على إن لاعبي الزمالك راحوا لدجال؛ صورة قديمة (كان حالق زيرو و دلوقتي شعره طويل).. وبعدين مرتضى حلف بالطلاق يا جماعة.

مش هو و الصورة قديمة من 2014 و من أمام مسجد أحمد قديروف (Akhmad Kadyrov) في الشيشان و الخبر ده موجود في مواقع اسلامية بس.

الصورة قديمة و مش من مصر من حديقة حيوان أوديسا (Odessa) بأوكرانيا

دي لحظة سقوط الرافعة على سقف المسعى مش حادث جديد والدفاع المدني السعودي قال ان المكان آمن حاليا.

الصورة اللي عالشمال قديمة و ملهاش علاقة بالأحداث.

اللي في الصورة ده نسر مش صقر، و الاتنين مش بيمروا باي مرحلة من المراحل ديي والظاهرة الوحيدة اللي بتحصل للنسر ان الريش بيقع مع الوقت وبينمو غيره. متوسط عمر النسر من 20 ل30 سنة و متوسط عمر الصقر من 16 ل20 سنة.

اللي صورها مصور يوناني اسمه Alkis Konstantinidis ودول كانوا مجموعة لاجئين سوريين و افغان وصلوا في مركب مطاطي عند شاطئ جزيرة لسبوس اليونانية (ماكنش بيغرق ولا بعيد جوة البحر يعني )

الصورة من فيلم مملكة النمل.

الفيديو متصور في مطار الملك عبدالعزيز لطائرة ركاب أجنبية أثناء العاصفة اللي حصلت الأسبوع اللي فات، والطائرة هبطت هبوط عادي في المطار والمتحدث الرسمي للطيران المدني نفى أنه متصور في طريق جدة – مكة السريع.

أثناء ماتش لفريق تشارلتون أتلانتيك مع تشيلسي سنة 1937، الحكم لغى الماتش في الدقيقة 61 بسبب الضباب الكثيف وكان سام حارس تشارلتون عند الجون وماعرفش أن الماتش اتلغى غير لما شاف أحد رجال الشرطة طالع من وسط الضباب بيسأله أنت بتعمل إيه، وعرف أن الماتش اتلغى من ربع ساعة .. …