Da Begad ? ده بجد شوف اللي بتعمله بوست بجد ولا لأ

الفيديو مش مسرب وملوش دعوة بافتتاح المتحف المصري الكبير. ده فيديو نشره فنان رقمي من البرازيل اسمه Vitor Bandeira على انستجرام، وتواصلنا على حسابه rogers.bcv@ وأكد أن الفيديو من تصميمه وقال أنه شغال على فيديو تاني وهينشره قريب. https://www.instagram.com/p/CQjiv6-hM_X/

اللي في الفيديو المنتشر مش رئيسة إيطاليا، رئيس إيطاليا الحالي من 2015 هو سيرجيو ماتاريللا.الفيديو قديم في سبتمبر 2018، وكان جزء من كلمة لرئيسة حزب “إخوة إيطاليا”، وكانت بترد فيها على تصريحات لماكرون وصف فيها إيطاليا بعدم المسؤولية، وده لأن إيطاليا رفضت دخول سفينة عليها بعض المهاجرين في شهر يونيو …

الصورة فوتوشوب، والحقيقية قديمة خلال معرض في متحف لاعب التنس رافاييل نادال سنة 2020. كان بيضم المعرض كؤوس ريال مدريد لمدة 3 شهور.

الفيديو مش حقيقي، ده تصميم فني عمله فنانأوكراني ونشره على حسابه في تيكتوك.

جمعية الهلال الأحمر الكويتي أعلنت في 23 مايو عن اقلاع طائرة الإغاثة الأولى من الكويت عشان توصل غزة عن طريق مصر. في يوم 27 مايو أعلنت جمعية الهلال الأحمر الفلسطيني استلام الشحنة. خلال فترة الرحلة، كانت جمعية الهلال الأحمر الكويتي بتنشر صور وفيديوهات بشكل مستمر على صفحاتها الرسمية، وكلها بتأكد …

دي حادثة في الكويت فعلا لكن مش واحدة ست أقتحمت فرح جوزها ده سواق هندي دواسة البنزين علقت معاه وخليته يقتحم قاعة عزاء.

أردوغان مكنش بيقبل ايده ولكن كان بيقوم من مكانهوبيسلم عليه بالكف وفيه فيديو بيظهر المشهد كلهلكن الصورة بالزاوية دي باين غير كده.

الفيديو معكوس ،وده باين من حركة الموج و حركة السمكة  ، يعني السمكة خدت سمكة ورمتها على الشط .

أولا لجنة الحكام نفت الخبر ده. ثانيا سمر حسني حكم مساعد ودرجة تالتة ( أول درجات التحكيم ) يعني مش بتحكم ماتشات درجة أولى في تونس حتى.

بوست تأليف و الواقعة دي مالهاش أي مصدر غير في مواقع التواصل الاجتماعي. كمان اللواء نصر سالم، رئيس جهاز الإستطلاع الأسبق بالمخابرات الحربية نفى القصة و قال انها نكتة. و روبير إسكندر سفير مصر الأسبق فى إثيوبيا قال ان أول مرة إثيوبيا تحاول تاخد قرض عشان تبني سد كان في …