Da Begad ? ده بجد شوف اللي بتعمله بوست بجد ولا لأ

اللي في الصورة ده امريكي من اصل هندي وانقذ الناس فعلا عن طريق فتحه لباب خلفي في الملهى اللي حصل فيه اطلاق النار بس هو هندوسي مش مسلم .. هو جندي سابق في الجيش الأمريكي و بيشتغل حارس في الملهى.  

الفيديو ده اعلان عن ماراثون خيرى فى اسبانيا بيتعمل من سنة 1992 لتمويل ابحاث علمية طبية . علشان كدة الاعلان بيتكلم عن المشاركة . لكن الفيديو مش لدراسة حقيقية . https://www.youtube.com/watch?v=54qmYvlQ-Sg

دي مش فلوسه ده ديكور للتصوير.

اللي نزل البوست صفحة بتدعي إنها الصفحة الرسمية لوزير الدفاع الإسرائيلي وإسمها “افكادوا دوبرمان” ! “دوبرمان” ده نوع من الكلاب ، وزير الدفاع إسمه “ليبرمان” .التصويت بيكون سري ومبيتقالش على الدول اللي صوتت ،جريدة “القدس العربي” هي أصل الخبر وقالت طبقاً لمصادر دبلوماسية فيه 4 دول عربية صوتوا لإسرائيل ومقالتش …

السفينة اللي لقت حطام الطائرة والصندوق الأسود سفينةفرنسية إسمها “John Lethbridge“ ودي سفينة مؤجرة من الحكومة المصرية للبحث عن حطام الطائرة .أمريكا هتبعت فريق لكن ده فريق تحقيقات هيشاركوا فى تحليل بيانات الصندوق الاسود

مش حقيقي، ده لينك Spam بينتشر مع الكومنت وممكن ياخد صلاحيات أنه ينشر بدالك على فيسبوك، وسامسونج نفت الأخبار دي، ده غير أن سامسونج موجودة من سنة 1938،يعني من حوالي 78 سنة.

هو إفطار جماعي فعلاً لكن كان مع عمال بناء مطار إسطنبول السنة اللي فاتت

طبعاً دي فوتوشوب دي صورة من ندوة “خليفة وثقافة التسامح” في 2007 واللي معاه ده القس اسحق

الموضوع ده مجرد إشاعه ظهرت قبل كده اكتر من مرة من قبل وجود اللاجئين ،وفي أخطاء كتير منها العنوان بيقول انها منظمة بإسم “social services department of the Free State of Bavaria” و مفيش منظمة بالإسم ده ، وعالشمال كمان “Kontrollabbiß” المفروض تكون “Kontrollabriß”   

محافظ السويس منع السباحة في المنطقة اللي حصل فيها الحادث فقط ، وقال إنها منطقة جبلية بتبعد 6 كم من الشواطئ ، وإن شواطئ العين السخنة آمنة .