Da Begad ? ده بجد شوف اللي بتعمله بوست بجد ولا لأ

ده  فيديو عاصفة ترابية في السودان سنة 2017

الراجل اللي كتب البوست مش هو نفس الراجل اللي ظهر في الفيديو.

الصوت متركب على الفيديو الأصلي اللي كانت منزلاه أنتونيلا روكوزو مرات ميسي على ستوري انستاجرام. في الفيديو الأصلي ميسي كان مشغل اغنية اسمها Asesina لباند ارجنتيني اسمه Los Palmeras https://www.youtube.com/watch?v=Chv7L__QlEw

الصوت متركب على الفيديو الأصلي .. في الفيديو الأصلي كان بيتكلم مع كبار المسؤولين العسكريين عن مواجهة العدو و ماجبش سيرة أي فيروسات. الفيديو الأصلي منشور على صفحة وكالة أسوشيتد برس (Associated Press) على يوتيوب سنة 2015 https://www.youtube.com/watch?v=VCd1x9q0JtA كان صدام حسين بيتكلم في اجتماع متلفز في العاصمة بغداد في حضوركبار المسؤولين …

ده فيديو نشرته مستشفى جامعة برمنجهام في بريطانيا سنة 2010 عن ازاي بتتنقل العدوى في المستشفيات. الكورونا بتتنقل عن طريق رذاذ الشخص المصاب فعشان كده ينصح بغسل اليدين بإستمرار وعدم لمس الوش او العينين وتغطية الفم والانف عند العطس.

الفيديو في إيران والاغنية متركبة على الفيديو.  

دي مش المستشفى الجديدة، ده فندق كان مستخدم كحجر صحي في مدينة تشوانتشو. يذكر ان الفندق تم افتتاحه سنة 2018 ولكن مستشفى ووهان اتبنت سنة 2020. وسبب الانهيار لسه مش معروف.

ده فيديو تركيب كانت نشرته قناة على يوتيوب سنة 2017 على اساس ان ده كوكب نيبيرو ( Planet X ) وكانوا بيقولوا انه هيبقى سبب نهاية كوكب الأرض في 23 سبتمبر 2017

الصورة من تدريب تركي باكستاني مشترك و شايلين منها صورة الجندي التركي اللي واقف. الصورة التُقطت خلال تدريب مشترك بين القوات التركية الخاصة والقوات البحرية الباكستانية و منشورة في يوليو 2019

الصورة في هولندا سنة 2016 لنسر مدرب من الشرطة الهولندية على صيد الدرون الغير شرعية. في اواخر 2017 قررت الشرطة الهولندية ايقاف استخدام النسور بسبب عدم تنفيذ المطلوب منهم.