Da Begad ? ده بجد شوف اللي بتعمله بوست بجد ولا لأ

الجارديان كتبوا كده فعلا بس أمل علم الدين نفت الكلام ده و السلطات المصرية كمان نفت. القصة اصلها في أول 2014 لما كانت هتنشر تقرير بتنتقد فيه القضاء و خبراء حذروها انها ممكن يتم القبض عليها لو نشرت التقرير من القاهرة فنشروه من لندن.

موضوع ان الإنسان عنده 5 حواس ده من أيام أرسطو بس الأبحاث اتقدمت و اثبتت ان الإنسان عنده اكتر من 5 حواس بكتير ( السمع و اللمس و التذوق و الشم و البصر ) فيه مثلا الأحساس بالجوع و العطش و الشبع الأحساس بالزمن ( بالوقت ) الأحساس بدرجة الحرارة …

ده حساب مضروب. الحساب الرسمي اللي موجود على الموقع الرسمي للشيخ هو MohamedJebril@

ده محمد عماد جوابرة ضربه قناص من جيش الاحتلال الإسرائيلي في مخيم العروب جنوب الضفة الغربية في نوفمبر 2014. *توضيح-فيه واحد فلسطيني اضرب فعلا و 3 اتمسكوا كانوا بيحاولوا يعدوا الحدود.

الصورة أثناء عرض علم الإمارات لكن مقصوص منها الجزء الأخضر اللي فوق

ده مش انهيار ولا حاجة .. ده اسمه فاصل انشائي لازم يتعمل علشان الكوبري يستحمل التمدد أو الزلازل ( الكوبري مش بيبقى مبني حتة واحدة )

Liam Neeson كان في تركيا بيصور فيلم Taken 2 سنة 2012 و قال ساعتها إن الآذان عجبه لدرجة إنه خلاه يفكر يبقى مسلم و لكنه لم يسلم. Liam Neeson عنده 62 سنة دلوقتي .. 59 ده كان في 2012.

دى كانت حادثة لطيارة إيرانية فى 2009 .

دي مش وزيرة السياحة .. وزيرة السياحة اسمها امال كربول ( متزوجة و أم لبنتين ) و دي صورها:

ده فيديو قيدم من حملة 2010. بيقول في أول الفيديو “ بقدم نفسي للدايرة مرة تالتة ” ( بعد سنة 2000 و 2005 ) و أحمد فتحي سرور بيظهر في اخر الفيديو.