Da Begad ? ده بجد شوف اللي بتعمله بوست بجد ولا لأ

دي “كمثري” ومابتطلعش بالشكل ده بصورة طبيعية .ده مزارع صيني بيزرعها داخل قوالب بلاستيك علشان تطلع بأشكال مختلفة “أطفال أو بوذا ” ، والصورة في الصين .

ده واحد إسمه “حسن الجنايني” زار الحشد الشعبي في 2015 عشان يأيدهم في حربهم على داعش ، والأزهر نفى وقتها إنه بعت حد للعراق ، وقال إن الشخص ده لايمثل إلا نفسه ، وأصدروا ليه قرار إنهاء خدمة في شهر مارس سنة 2016 .

ده فيلم نيجيري ودي ممثلة إسمها “Charity Asuquo” .

مش حقيقي، دول اتنين متجوزين فعلاً من أكتر من شهرين وده كان إيفينت تصميم فساتين عرايس، والباقي كانوا عارضات أزياء، والشاب أردني مش كويتي، والبنت كويتية.

“تيس كريستيان” سيدة إنجليزية مبتسمتش من 40 سنة ، عشان تحتفظ بنضارة بشرتها وتمنع ظهور التجاعيد علي وشها. وقالت إنها قدرت تدرب عضلات وشها على عدم الإبتسام ، وإنها نجحت في ده والدليل إنها معندهاش أي خط علي وشها.بعض الخبراء بيقولوا إنها طريقة ناجحة ، وإنها نفس فكرة عمل “البوتوكس” …

ده موقع بيركب الصور على خلفيات جاهزة.

الصورة مش في السويد ، واللي عمل كده مش لاجئين .الصورة من مسيرة لطلاب في تشيلي معترضين على أداء الحكومة وفشلها في تطوير نظام التعليم ، وخدوا التمثال ده من داخل كنيسة وكسروه .

دي كانت فلوس و اسلحة تاجر مخدرات في المكسيك

(ده ماتش قديم ( الاهلي و الملعب المالي في ٢٠١٥ ماتش الأهلي و زيسكو اكرامي كان لابس برتقالي مش اخضر

اللي في الصورة ده امريكي من اصل هندي وانقذ الناس فعلا عن طريق فتحه لباب خلفي في الملهى اللي حصل فيه اطلاق النار بس هو هندوسي مش مسلم .. هو جندي سابق في الجيش الأمريكي و بيشتغل حارس في الملهى.