Da Begad ? ده بجد شوف اللي بتعمله بوست بجد ولا لأ

مجموعة العربي نفت الخبر على صفحتهم الرسمية. شبكة رصد كانت نشرت الخبر على موقعها وقالت المخابرات استحوذت على التوكيل ولكن مسحوا الخبر بعد كده، فيه نسخه أرشيفية من الخبر من على بحث جوجل هنا.

الصورة متعدلة بالفوتوشوب، و GATX المكتوبة على الناحية التانية من التانك هي شركة أمريكية بتأجر عربيات السكك الحديدية لنقل المواد البترولية والكيميائية. كمان اسم COVID 19 مش متوافق مع قواعد كتابة أسماء التانكات دي، والصادرة من رابطة السكك الحديدية الأمريكية، واللي بتكون مكونة من جزئين، الجزء الأول 3 أو 4 …

دي مش طيارات حقيقية، دي محاكاة لطيارات بالريموت منتشرة على يوتيوب من سنة 2018 وملهاش علاقة بالجيش المصري. السيسي تفقد التجهيزات في المنطقة الغربية العسكرية فعلا يوم 20 يونيو وشاف عروض للقوات الجوية ولكن الفيديو ده مش حقيقي وهو معمول ببرامج على الكمبيوتر. ومصر عندها فعلا ميج 29 بحسب موقع …

اشاعة و الصورة دي قديمة من سنة 2016 و الخبر منزلش على الجزيرة و الخطيب كان موجود في التدريبات امبارح

مفيش شركات او بنكوك مصرية شاركوا في سد النهضة، شركة ايطالية اسمها ساليني إمبريجيلو هي المسئولة عن البناء بالاضافة لشركات من فرنسا والمانيا والصين. ونجيب ساويرس نفى اكتر من مرة ان له علاقة بالسد. و لا اوراسكوم و لا المقاولين العرب شغاليين… عيب الإفتراء ده … ده لو خلص الشغل …

الدكتور محمد حشاد ، 35 سنة، أخصائى الأطفال بمستشفى ناصر العام بشبرا الخيمة توفى فعلاً بفيروس كورونا يوم 16 يونيو 2020. لكن الصورة المنتشرة بأسطوانة الأكسجين مش صورته، دي صورة لممرض فني عراقي اسمه وسام الغزي ولسه عايش. وسام صور فيديو في نفس المكان بيحكي فيه تفاصيل الواقعة. https://www.youtube.com/watch?v=nPrOOn73-BU   وصل …

التقليد و الصوت حقيقيين لكن وش محمد رمضان متغير لوش أحمد زكي بتقنية ديب فيك (Deepfake) و اللقاء نفسه قديم من سنة 2014 في برنامج واحد من الناس مع عمرو الليثي. https://www.youtube.com/watch?v=Qk03bhNcs-o الديب فيك (Deepfake) هو تقنية من تقنيات الذكاء الاصطناعي، والتي تستخدم لإنتاج فيديو أو التعديل على محتواه بشكل …

الواقعة دي كانت في أسالانديا في البرازيل سنة 2015 ، ودي لاعبة  MMA محترفة اسمها Monique Bastos . وده لقاء تلفزيوني ليها بتحكي عن الواقعة

مافيش حد في قيادات تنظيم الأخوان المسلمين اسمه مصطفى النحاس .. ده فيديو قديم من 2018 لراجل ملتحي بيرقص في فرح.

وزارة الصحة نفت الخبر، وقالت إن ده عدد طلبات التبرع بالدم بشكل عام مش من المتعافين ،الاعداد في برنامج على مسئوليتي كتبوها غلط وصلحوها بعد كده،