Da Begad ? ده بجد شوف اللي بتعمله بوست بجد ولا لأ

مش حقيقي. النظام لسة موجود .. اللي اتغير بس المسمى من مصطلح “كفيل” إلى “صاحب عمل”. فيه اقتراحات انه يتغير أو يتلغي بس كلها لسة اقتراحات و دراسات بس.

أي كلام طبعا و الصورة فوتوشوب و متاخدة من Comic-Con

خبر غلط و تغريدة مضروبة مش موجودة على حساب وكالة انباء الامارات على تويتر .. غير ان كل التغريدات اللي بيكتبوها بيبقى في اخرها لينك للخبر.

البنات هما سارة لوقا, طالبة بالجامعة الألمانية و سارة صديق طالبة بالجامعة الأمريكية و ناردين لوقا بتدرس حاليا السياسة و الأقتصاد بجامعة ميونخ  بألمانيا زائد إن البنات اللي كانوا عالمسرح مفيش حد فيهم اسمه سالي أو دعاء أو رشا و باين جدا إن اللي لابسين شرطة مش شبه البنات اللي …

دي مش عاصمة جديدة بديلة لبرلين ولا حاجة. الصورة سنة 1945 قرب نهاية الحرب و ده كان ماكيت لاعادة بناء مدينة لينتز النمساوية اللي اتدمرت في الحرب و المدينة دي هتلر كان قضى فيها شبابه و بيعتبرها مسقط رأسه و كان نفسه تبقى مركز ثقافي لأوروبا.

اللي نشر الصور على انها جديدة جريدة الديلي ميل البريطانية و باقي الصحف نقلوا منها .. بس الحقيقة انها صور قديمة و من اماكن و مواقف مختلفة.

شركة إيجل هيلز الإماراتية هي اللي وقعت على اتفاق انشاء العاصمة الجديدة مش إعمار.

الخبر مش موجود على BBC ولا اي موقع تاني. اخر الاخبار على BBC المتعلقة بالمؤتمر الاقتصادي:

الفيديو مقطوع بحيث المعني يتغير من حلقة كان بيتكلم فيها عن الفتاوي الغريبة و بيستعجب من اللي بيقولوا فتاوي زي دي الفيديو المفبرك متاخد من الدقيقة 26.

فيه انفجارات كتيرة حصلت بس ماكنش فيه تركيز اعلامي عليها.