Da Begad ? ده بجد شوف اللي بتعمله بوست بجد ولا لأ

مفيش أي أحكام صدرت بكده ،و وزير المالية نفى الكلام ده ، وكل الكلام عن عدم دستورية الضريبة العقارية آراء من متخصصين بس

دي حاجة اسمها خرسانة سابقة الإجهاد بتبقي الكمرات مجهزة في مكان تاني وبيتم رفعها فوق الأعمدة بالونش وبيحطوا التخشينة (الخشب) دي لضبط المستوي لحد ما يكملوا ربط الأربع كمرات ببعض عن طريق وصلات خرسانية مسلحة توصل ما بينهم.  

المتحدث الرسمي لشركة المترو قال ان الجرار كان موجود لسحب الونش اللي بيقوم برفع عربتي المترو بعد خروجهم عن القضبان

مفيش أي تعليق بالكلام ده  على حساب تركي آل الشيخ ، تعليقه بعد المباراة كان فيديو بيتحمل فيه مسئولية الخسارة مع اللعيبة

هو الحقيقة الغباء هو غباء اللي ياخد سكرين شوت من موقع ساخر كاتبين فيه ” ظهر اللواء بخيت يرتدي بدلة جلد لميع سوداء ورابطة عنق سوداء ونزل من باب الطائرة راكبا دراجة نارية حمراء ” و طبعا غباء الناس اللي عملت شير من غير ما يشوفوا مكتوب ايه في البوست اللي بيعملوله …

فوتوشوب

ده مش غطا بلاعة، ده درع برونزي عليه بعض الدول المشاركة في التوأمة بين 17 مدينة (من ضمنهم القاهرة)، والدرع واضح عليه أسماء 3 مدن، وهما Lyon – Birmingham – Mailand

لأ مدهون .. بالاضافة ان الدهان ممسوح و ملطش أولا الخطوط اللي في وش الحمار الوحشي بتبقى دقيقة و متوازية مش متداخلة زي المدهون

تصميمات تخيلية من هواة زائد ان ورقة ال ١٠٠٠ ممضية من فاروق العقدة اللي مشي من ٢٠١٣

ده فيديو متعدل مش حقيقي والبنت مماتتش. I’ll be ok ❤️👌 #inmyfeelingschallenge #keke edit by @lofi3d 🔥 A post shared by Kari Miller (@karimiller) on Jul 20, 2018 at 7:36pm PDT When internet challenges go wrong.. (Video is edited! NOT REAL) Be careful when dancing in the street!!! @karimiller #inmyfeelings …