Da Begad ? ده بجد شوف اللي بتعمله بوست بجد ولا لأ

مش حقيقي … مش ده الفونت اللي الأهرام بتستخدمه و مفيش وجود للخبر ده علي أي مصدر اخباري موثوق

فوتوشوب، الصور من حملة “Real Men Don’t Buy Girls” لمكافحة تجارة الجنس خصوصا بالاطفال.

محصلش تعويض مادي ولا إعتذار من رئيس الوزراء التركي .. الطفل وعيلته خدوا 3 أيام أجازة في فندق فخم ووعدوهم هو وأخواته يروحوا المدارس ويلاقوه وظيفة لوالده ويعالجه أمه المريضة بالقلب

الصورة في جزيرة ميكونوس باليونان، ونمر العربية مش مصرية.

خبر قديم بتاريخ ٤ يناير ٢٠١٥

أبو تريكة نفى الإشاعة دي على صفحته الرسمية.

فوتوشوب، ده البابا بندكت السادس عشر في زيارته لبولندا في 2006.

مش حقيقي هو مش محافظ ليفربول هو عضو في المجلس المحلي لمدينة ليفربول و المجلس ده فيه 90 عضو و بيتم اختيارهم عن طريق ان المدينة بتتقسم 30 جزء و كل جزء بيختار 3 أعضاء ممثلين ليه …. العمدة المنتخب الحالي اسمه Joe Anderson.

مافيش رد فعل لأي بندقية بيكون بالطريقة دي . ده فلكلور سعودي إسمه “ التعشير ” في جزء منه بيتم القفز لأعلى وتوجيه فوهة الماسورة ناحية الأرض . كمان السلاح مابيكونش فيه أي رصاص حي .

الصورة من صلاة جماعة فرض مش جنازة بدليل ان الامام قال “سمع الله لمن حمده” لما قام من الركوع. وصلاة الجنازة كانت زحمة عن كده وفيها مصورين كتير.