Da Begad ? ده بجد شوف اللي بتعمله بوست بجد ولا لأ

الفينيل ألانين ده حمض اميني موجود في كل البروتينات ( الخضروات أو الحيوانات ) و جسم الأنسان بيحتاجه باعتباره جزء متمم لجميع البروتينات في الجسم. و بيتم استخدامه كمحلي صناعي. فيه ناس عندها مرض وراثي نادر (الفينيل كتنيوريا) الناس دي معندهمش الانزيم اللازم لهضم الفينيل ألانين و هنا الخطر , لأن …

الصورة من 2010 .. مظاهرات في بنجلاديش ضد الفيسبوك.. لغلق صفحة لرسم صور للرسوا اسمها Everybody Draw Mohammed Day بعد المظاهرات اللي حصلت في باكستان لنفس السبب. وحرق علم السويد يرجع للرسومات الكرتونية المسيئة ل Lars Vilks السويدي

دي مدينة ريو دي جانيرو فعلا بس القمر متركب عليها

ده كريستيان باروني لاعب برازيلي ومش مسلم ودي مش بنته دي طفلة اسمها (Gamze Yagar) عندها مرض نادر جدا اسمه Progeria وده بيخلي الاطفال تعجز 8 مرات اسرع من الاطفال الطبيعية ربنا يشفيها

الصورة مش في اي بلد عربي دي في الصين وده مش مايوه شرعي ولا حاجة الستات هناك مش بيحبوا يسمروا من الشمس فبيلبسوا المايوه ده يحميهم وكمان عشان يحميهم من قنديل البحر

الصورة من الهند مش بورما ودي مدرسة حكومة كانت بتختبر مهارات الكاراتية للتلاميذ

الصورة الاصلية من حريق في طولكوم بفلسطين

الموضوع قديم من 2008 والعربية دي من انتاج شركة العربية الامريكية للسيارات (AAV) والشركة دي عبارة من شراكة بين الهيئة العربية للتصنيع 51% و 49% من مجموعة كرايسلر

اصل القصة ان فيه محامي من الاسكندرية تقدم بانذار قضائي لسفراء دول اثيوبيا واسرائيل والولايات المتحدة الامريكية لعدم احترام اثيوبيا الاتفاقات الدولية المبرمة عام 1902 و 1929 والمحددة لحقوق مصر علي مجري النيل .. رقم الانذار 6847 لسنة 2013 ناس ولاد حلال خدوا الخبر وحبوا يهزروا وكتبوه بالطريقة دي ومواقع …

الصورة من احتفالات المسيحيين في الفلبين بالاعياد