Da Begad ? ده بجد شوف اللي بتعمله بوست بجد ولا لأ

فيه اكتر من مصدر في القناة قال ان الخبر مش صحيح  وانها مجرد اشاعات و الحلقة الجاية من البرنامج هتكون مع ايمي سمير غانم واحنا كلمناهم واتأكدنا من ده بنفسنا

الصورة مش من مصر دي كانت في مدينة تعز في اليمن في حديقة حيوان تم هجرها و الحيوانات فضلت كذا اسبوع من غير أكل

الإمارات مش أول دولة تعمل وزارة للسعادة … فنزويلا عملت وزارة للسعادة سنة 2013 … و الوزيرة حاليا  اسمها Carolina del Valle Cestari Vásquez

كنتاكي نفت الكلام ده ، وجامعة نيو هامبشير قالت إن مفيش أي بحث أو دراسة طلعت من الجامعة بالمحتوى ده . الصور دي من مشروع لإنتاج فراخ قليلة الدهون ( Low Fat ) وصديقة للبيئة عمله عالم وراثة إسرائيلي إسمه Avigdor Cahaner في الجامعة العبرية بالقدس .

الصورة لأعضاء نقابة أطباء الأسنان في 2014.

الصور دي يوم الخميس مش امبارح في نقابة الصحفيين في ذكرى تنحي مبارك.

أولا الصورة قديمة من 2013… ثانيا ده كائن اسمه Cymotha exigua بييجي على السمكة و يدمر لسانها و يمسك في اللي يتبقى من اللسان و يبقى هو اللسان الجديد و يأكل من أكلها ثالثا هو مش مضر بالأنسان الا لو كان حي لأنه ممكن يعض.

الصورة متاخدة من فيديو تركيب لاعلان لشركة تأمين .

الصورة من لبنان مش مصر .

بغض النظر عن الألفاظ دي كلها …دكتورة منى مينا مش نقيبة الأطباء زائد انها ما صرحتش بكده في اي وسيلة اعلامية …و كمان النقابة نفت كده .