Da Begad ? ده بجد شوف اللي بتعمله بوست بجد ولا لأ

بوست متفبرك واتنقل من صفحات فيس بوك أجنبية . الصورة من قناة BBCسنة 2011 وقالوا عنها إنها مجموعة ذئاب شمال كندا و بتمشي في خط واحد عشان يوفروا الطاقة واللي قدام خالص القائدة بتاعتهم .

ترجمة متفبركة ، والفيديو مالوش علاقة بسوريا . أوباما بيتكلم في الفيديو عن ضحايا إطلاق النار في أمريكا بسبب التساهل في شراء السلاح .

ماتقبضش عليه و الصورة من فيديو حلقة قديمة عن توفيق عكاشة

ده مش أمين شرطة ده واحد بيعمل فيديوهات ساخرة ومشهور بإسم عطوة كنانة .. والداخلية نفت إنتماء صاحب الفيديو إلى وزارة الداخلية.

اولا هي فضيحة بس البوست مش دقيق ده ماكنش منتخب مصر .. اللي عملوا كده كانوا مسؤولين في نادي اسمه نادي الايمان عشان يهربوا شباب برة مصر. و الموضوع ده حصل في ابريل 2015. و اللي نشر الفضيحة دي مجلة الاذاعة و التليفزيون.

جنسيته animator عشان ده طبعاً فيديو متركب و اللي عاملينه كتبوا عليه CGI يعني Computer Generated Imagery غير ان لو طيارة بالحجم ده عملت اللفة دي على الارتفاع ده كانت الجناحات شدتها و وقعتها. غير ان مافيش أي جزء من الFlaps في الجناحات اتحركت.

مش حقيقي ، ده نوع من أنواع المرجان اسمه “ أقلام البحر ” . فيه شجرة اسمها “ Nagapushpa ” باللغة السنسكريتية ودي لغة قديمة في الهند . لكن زهور الشجرة دي مش بتفتح كل “36” سنة ولا حاجة

دي صورة جندي بيرطاني فقد أطراف له في أفغانستان ده غير إن النقيب اللي غالبا قصدهم عليه اسمه محمود الكومي مش يحيى الكومي و كان أصيب في تفجير في العريش و سافر للعلاج بالخارج.  

اولا الصورة قديمة، ثانيا مش في وسط البلد. وهو بائع موز اسمه عم عبداللطيف من اسيوط، احنا روحنا بنفسنا صورنا المكان في شارع الشيشيني متفرع من كعابيش – فيصل.

معبد الكرنك طول عمره كده من ساعة ما تمت اعادةبنائه بعد ما كان حطام غرقان في مياه النيل. يعني تم تجميعه قطعة قطعة و بناء قطاعات جديدة مكان القطع الناقصة. يعني ولا موضوع جديد ولا ترميم غلط.