Da Begad ? ده بجد شوف اللي بتعمله بوست بجد ولا لأ

الكويكب هيكون على بعد مسافة أقل من 9 أضعاف بعد الأرض عن القمر و بالرغم من إنها بالحسابات الفلكية تعتبر مسافة قريبة الإ إنها وفقا لكل المصادر هيمر بأمان و بدون حدوث مخاطر.

ده مش حراس بوتين ده إسمه Vladimir Petrov من اساطير لعبة هوكيالجليد فى روسيا و العالم. الصورة من إفتتاح الأولومبيات الشتوية و كان موجود فى المقصورة تكريما له.

دى صورة من فيديو لواحد فى سوريا. https://www.youtube.com/watch?v=Cf7VMzheV7c  

ده المفروض إنه إعلان تليفون فيه إمكانيات كتير منها إنه بيعمل قهوة و فيه ماكينة حلاقة !! كل ده مش حقيقى ده كان جزء من حملة دعايو عملتها نوفا سكوتيا سنة 2008 و الناس لسه مصدقين الموضوع لحد دلوقتى.

الصورة قديمة من 2008 مالهاش علاقة بزيارة مصر.

الحادثة حصلت قبل الزيارة بأسبوع.

ده جاكيت هدية من بوتين للسيسى فعلا بس مش وسام ولا حاجة .. أرفع وسام فى روسيا هو وسام “بطل روسيا الإتحادية” و شكله “وسام” مش جاكيت.

مفيش حاجة إسمها أسد لونه أسود طبعا فوتوشوب و دى الصورة الأصلية.

الصوردة دى مش من الأحداث اللى حصلت الفترة الأخيرة فى إفريقيا الوسطى, الصورة من نيجيريا لحادث حصل فيوليو 2009 نتيجة إعتداء بعض اللصوص المسلحين على اتوبيس و إجبار ركابه على النوم فى الطريق و عدت شاحنة من نفس الطريق و موتت 20 شخص بالشكل ده  

القصة بدأت و إنتشرت فى إبريل 2009 و ناس كتير صدقتها و كانت فكرة من إحدى الشركات اللى إستخدمت الطريقة دى فى التسويق لمحرك البحث بتاعها لحجز الفنادق و قالت بعدها إنها كانت كذبة إبريل و متوقعتش إنتشارها كده و مازلت لسه بتنتشر لحد دلوقتى.