Da Begad ? ده بجد شوف اللي بتعمله بوست بجد ولا لأ

ده فيديو تمثيل من برنامج فرنسي ساخر اسمه Groland le Zapoï. والفيديو بعنوان قتل مستحق.

الشخص اللي في الصورة مش مصري، وماكانش محافظ الأقصر. محافظ الأقصر التابع للجماعة الإسلامية كان اسمه عادل خياط، واستقال بعد تعيينه بأسبوع واحد بسبب الاحتجاجات على تعيينه.  

السعودية مش هتستقبل اى حجاج من خارج المملكة السنة دي ومفيش اي اخبار على موقع وزارة الحج عن رحلات مجانية للحج ، وكمان عدد الحجاج هيبقى من 1000 ممكن  يزيد ل 10000 ، وكمان السفارة السعودية في القاهرة حذرت من اى عمليات نصب بتأشيرات وهمية

دي مش كنيسة .. دي مقابر لموتى فرنسيين موجودة تحت الأرض في مدينة باريس من سنة 1786 . والمقابر دي فيها رفات ما يقرب من 6 ملايين شخص مدفونة تحت الأرض وهو أكبر عدد من الرفات المجموعة في مكان واحد في العالم كله. الصورة من تصوير قناة ناشونال جيوغرافيك من تقرير …

رئيس الأركان التركي غادر ليبيا قبل ضرب قاعدة الوطية بساعات وكان معاه وزير الدفاع وكمان زاروها هما الإثنين دولة مالطا وقابلوا وزير داخليتها ورئيس اركان الجيش بتاعها

اللي في الفيديو مش طيار مصري. ده مغامر مكسيكي مش مصري و نشر الفيديو ده على قناته على يوتيوب سنة 2016.   View this post on Instagram The most beautiful flag of the world. #mexico #flag #flagday #diadelabandera #linkerius #extremenerd #mountain A post shared by Linkerius (@linkerius) on Feb 24, …

مش صحيح، اليوم السابع نفت الخبر ده، وأكدت إن عندها مسؤولين في الملف الديني بالفعل. إسلام بحيري اشتغل فترة في جريدة اليوم السابع كرئيس مركز الدراسات اﻹسلامية بالمؤسسة، لكن حالياً مابقاش شغال فيها.

ده مش نفس الطفل اللي في الصورة القديمة، الصورة نشرتها Anja على صفحتها الموثقة من فترة واتسألت إذا كان نفس الطفل، وكان الرد إنهم طفلين مختلفين، واللي في الصورة هو ابنها ديفيد. Anja نشرت على صفحتها أكتر من صورة للطفلين مع بعض، وفي مراحل مختلفة.

مجموعة العربي نفت الخبر على صفحتهم الرسمية. شبكة رصد كانت نشرت الخبر على موقعها وقالت المخابرات استحوذت على التوكيل ولكن مسحوا الخبر بعد كده، فيه نسخه أرشيفية من الخبر من على بحث جوجل هنا.

الصورة متعدلة بالفوتوشوب، و GATX المكتوبة على الناحية التانية من التانك هي شركة أمريكية بتأجر عربيات السكك الحديدية لنقل المواد البترولية والكيميائية. كمان اسم COVID 19 مش متوافق مع قواعد كتابة أسماء التانكات دي، والصادرة من رابطة السكك الحديدية الأمريكية، واللي بتكون مكونة من جزئين، الجزء الأول 3 أو 4 …