Da Begad ? ده بجد شوف اللي بتعمله بوست بجد ولا لأ

الصورة الأولى في مصر والتانية في فلسطين وملهمش علاقة ببعض. الأولى امام لجنة للانتخابات الرئاسية سنة 2018. والتانية لسيدة تبكي بعد تدمير الطيران الاسرائيلي لبيتها في غزة سنة 2019.

ده مجرد تصميم معمول مش نحت حقيقي في متحف بايرن ميونخ ولا حاجة و الخلفية المستخدمة موجودة على مواقع التصميم و بتستخدم كتير للتصاميم ثلاثية الأبعاد.

الصورة من هاييتي في اكتوبر 2007 في فيضانات حصلت بسبب عواصف وأمطار في مدينة سيتي سولاي ، وملهاش علاقة بفيضانات السودان.

الصورة لفيضان حصل في الهند سنة 2013 و ملهاش علاقة بفيضان السودان اللي اودى بحياة أكتر من ١٠٠ شخص 

ده مشهد تمثيلي مش حقيقي بيصور معاناة الشعب اليمني. https://www.youtube.com/watch?v=9cArMnjzde0

ده هُرَيم ، قمة هرم أمنمحات الثالث مكتشف الحجر: العالم الفرنسي المتخصص في التاريخ المصري القديم Gaston Maspero قال : ان الهريم ده منحوت من صخر الجرانيت ، تحديدا من الجرانيت الرمادي الغامق و ده مش نادر ولا حاجة و بيتم استخدامه في اعمال البناء.

وزارة الانتاج الحربي نفت في بيان على الصفحة الرسمية على فيسبوك تصنيع العربيات دي وقالت ان دي نماذج للاختبار من الصين وجاري التفاوض على التصنيع في مصر.

وزارة التربية والتعليم نفت الخبر وقالت على لسان المركز الأعلامي لمركز رئاسة الوزراء ان فيه حملات بتقوم بيها وزارة التربية والتعليم لرصد مراكز الدروس الخصوصية وقفلها بالتعاون مع وزارة الداخلية باعتبارها منشأت تمارس انشطة تعليمية بالمخالفة للقوانين واللوائح  .

الصورة قديمة سنة 2011 بعد فوز برشلونة على مانشيستر يونايتد 3-1 في نهائي دوري أبطال أوروبا. Embed from Getty Images //

الصورة متعدلة بالفوتوشوب ، ودي الصورة الاصلية .