هام

اللي منزل البوست ده أردني وبيتكلم عن التعديلات في الأردن لكن بيتعمله شير هنا وفاكرينه في مصر.

التمثال مكتوب عليه اسم غاندي وتاريخ ميلاده ووفاته، والمقولة مش مكتوبة على التمثال ودي مقولة للناشط الامريكي Fred Hampton.

الاستفتاء كان على حسابه الرسمي على تويتر قبل ما يتقفل مش على الفيسبوك، والنسبة كانت 81% لا و19% نعم.

مافيش ضرائب على المصريين بالخارج دي زيادة رسوم اذن العمل (تعديل على قانون 231 لسنة 1996) الرسوم هتزيد من 100 جنيه في السنة الى 200 للمؤهلات العليا و من 60 جنيه في السنة الى 100 لغيرهم. القانون القديم: التعديل:

مافيش أي بيان نفي من الشركة .. ولا على الوكالة الفرنسية للأخبار (AFP) ولا على موقع الشركة المصنعة (Dassault Aviation)

تفاصيل الخبر مختلفة عن العنوان اللي انتشر بيه. ده كان اقتراح من علي عبدالعال رئيس البرلمان، واترفض من البنك المركزي. طبعاً صفحات ومواقع كتير بتلجأ للطريقة دي عشان تعلّي الـ Traffic والتفاعل على مواقعها أو صفحاتها، وناس كتيرمش بتقرأ التفاصيل وبتعتبر أن ده كل الخبر.

ده كان مهرجان لمنظمة الليونز في هامبورج في 2013 مالوش علاقة بوزارة السياحة .. ودول اعضاء نادي الليونز و كمان فازوا بالمركز التاني في المسابقة دي على 170 دولة ( و كان معاهم شباب بس اللي عمل البوست اختار صور معينة عشان يتريق براحته )

دي حملة عملتها جمعية المحافظة على البيئة في البحر الاحمر (هيبكا) في 2014 لتنظيف الشواطئ من مخلفات البحر وحطام السفن وشارك في الحملة مصريين وأجانب.

تصريح متفبرك .. ماقالتش كدة. الموضوع اصله من شهر لما وزيرة الاستثمار قالت ان وزارتى العدل و الاستثمار هتقدم مشروع قانون الإفلاس والتصفية اللي هيساعد الشركات المتعثرة على النهوض تاني. فيه مواقع خدت الخبر و غيرته و خليته بيتكلم عن مصر. https://www.youtube.com/watch?v=oBzxemZGxhY

-ده فيديو قديم لفض نزاع بين عائلة ال عيسى و عائلة تانية مسلمة في قرية العقال القبلي في اسيوط .. في وسط الفيديو هتلاقوه بيقول -لو مشكلة العقال ما اتحلتش بالتالي مالوش علاقة بجلسة الصلح بتاعة الفشن في بني سويف