منوعات

ده مجرد تمثيل .. مشروع واحده عملته فى ال GUC سنه  2011

ده تمثال لفنان أسترالي اسمه Ron Mueck شغال في انجلترا.

عنوان الخبر غلط اللي اتباع عمارة في 9 شارع الثورة مش قصر البارون نفسه ( اللي موجود في شارع العروبة )

الصورة من بنجلاديش في ابريل 2011 لمظاهرات ضد قانون بيساوي بين الرجل و المرأة في الميراث.

دي كانت مبادرة شعبية لإلزام الحكومة بدفع مبلغ 2800 دولار لكل شخص في سويسرا سواء كان بيشتغل أو لأ . وبحسب القانون السويسري من حق أي مواطن إنه يعرض مبادرته للإستفتاء بشرط إنه يجمع 100 ألف توقيع من الشعب . والحكومة السويسرية رفضت المبادرة دي وقالت إنها مخلة بالنظام الإقتصادي …

ناسا ماقالوش أي حاجة من الكلام ده. الخبر كتبه صحفي في موقع أخبار متعود يكتب مواضيع غلط عن نهاية العالم.

الصورة تخيلية من حملة اعلانية في استراليا لأسطول حماية المخلوقات البحرية من الصيد و الموضوع ده مش جديد .. الاتحاد السوفيتي بدأ تدريب و استخدام الدرافيل كقوة بحرية من السبعينيات.

فوتوشوب .. و مافيش أثبات لوجود ما يسمى بالنمر الأزرق المالطي

ده فيديو من فيلم اسمه The Centrifuge Brain Project و الألعاب اللي في الفيدو مش حقيقية.

طبعا ده أي كلام .. الذكاء و الذاكرة ليهم أنواع كتير و فيه نظريات كتير اتعملت علشان تحدد و تقيس الانواع دي. و فيه نظريات كتير منهم بتعتبر الذاكرة عنصر من عناصر الذكاء. مش شرط لو حد ذكي تبقى ذاكرته قوية بس الأكيد ان النسيان مش علامة من علامات الذكاء.