منوعات

التماثيل دي كانت محطوطة في فيتنام مش في مصر بمناسبة العام القمري الجديد لسنة ٢٠٢٢ (عام النمر) و بالبحث في خرائط جوجل لقينا إن المكان إلي في  الخلفية ده هو البيت الثقافي لمدينة فو ثو (Phú Thọ) الفيتنامية   التمثيل دي أثارة ضجة بسبب شكلها و بعدها السلطات شالوها بعد …

الصورة مولدة بالذكاء الاصطناعي زي ما هو واضح على مواقع تحليل الصور. ثم ده ترام مش مترو ولحد دلوقتي مفيش ترام في العاصمة الإدارية.

ده مش هيكل عظمي ولا حاجة، ده تمثال فني عمله فنان أوكراني اسمه ألكسندر لادانيتس (Alexander Ladanetc)، نحته في ملاهي مائية اسمها أتلانتس في مدينة يالطا في الساحل الجنوبي لشبه جزيرة القرم واللي بتطل على البحر الأسود.

أولا ده ساحر بريطاني مش مصري اسمه ستيفن فرين (اسم الشهرة دينامو) و كان عمل الخدعة دي في لندن في نهر التايمز في ٢٠١١ ثانيا الخدعة دي بتتعمل عن طريق إنهم بيحطوا ألواح زجاج البليكسي عشان مش بتبان من المياه عشان كثافته تقريبا نفس كثافة المياه

الصورة مولدة بالذكاء الاصطناعي من تصميم مهندس اسمه حسن رجب بيصمم النوع ده من الصور وبينشرها على حسابه

الصورة في إيطاليا بسبب حريق سكوتر كان واقف تحت الإشارة في ميلان سنة 2022.

الفحم اللي بيستخدم لإنتاج الطاقة ده إسمه فحم حجري بيستخرج من مناجم الفحم و ده اللي كولومبيا وقفت تصديره لكن الفحم اللي بيطلع من الشجر ده إسمه فحم نباتي و بيستخدم فى في إشعال النار أو الشوي أو في الشيشةفمفيش علاقة بين قطع الأشجار اللي في مصر و تصدير الفحم …

الصورة مش حقيقية ومولدة بالذكاء الاصطناعي ومنشورة على حساب اسمه _best_of_ai وبينشر نفس النوع من الصور.

ده مش مطار الأقصر بجد ، ده تصميم تخيلي واحد عمله بالذكاء الإصطناعي

الصورة معدلة وكل حاجة معكوسة ومتكررة في اليمين والشمال. الصورة صممها مصور ألماني بمناسبة عيد الحب سنة ٢٠٢١ وكتب متصدقش كل حاجة تشوفها اونلاين. وبمراجعة خرائط جوجل، مفيش جزيرة على شكل قلب في البندقية.