سياسة

الصورة من العراق في 2014 .

الصور دي قديمة ومش متعلقة بالأحداث الحالية . أول صورتين من “سيناء” لكن في مارس سنة 2016 . صورة الشخص اللي بيتحرق من “جنوب أفريقيا” سنة 2008 .

طبعاً دي مجرد هرتلة وللأسف ناس كتير مصدقة ! دي فعلاً صورة الأميرة “مادلين” بنت ملك السويد ، لكن مالهاشأي تصريح بخصوص السيسي أو حتى مصر .

الصورة من السعودية لشركة إسمها “رضوى” .أقدام وهياكل الفراخ بتتباع في مصر من زمان ومش مرتبطة بنظام حكم معين .

اللي تحت على اليمين بيعبر عن الجيش العراقي . اللي عدل الصورة شال الـ 3 نجوم من الصورة الأصلية عشان يبان إنه علم مصر .

غادة والي نفت التصريح ده وقالت ان الإنجاب من اختصاص وزارة الصحة والسكان، هي قالت الأسر اللي بتنجب 9-6 أطفال بدون رعاية وتعليم لازم يتحاسبوا.

مش حقيقي، ده خبر طلعه موقع مغمور وملوش مصدر، ومفيش ولا دولة عربية موجودة في برنامج السفر بدون فيزا.

مش صدفة، حسام جدوع بيدرس في البرنامج الرئاسي للشباب ولما قال للسيسي “مانتخبتكش” كان في الدورة الأولى للبرنامج الرئاسي لتأهيل الشباب، وكان مشارك برضو في المؤتمر الشبابي الشهري في أسوان.

دي صورة من 2012 نشرتها واحدة من الكتائب في سوريا اسمها ” كتائب المهاجرين ” لجندي مسيحي بعد اقتحام قاعدة دفاع جوي للجيش السوري.

محامي أبو تريكة نفى ازالته من القائمة وقال انه لسه مقدمش الطعن.