الجواب ده من الكويت مش مصر و موجه لشركة واحدة مش لكل الجمعيات التعاونية الاستهلاكية اللحمة المفرومة اللي في مصر منتج محلي و جهاز حماية المستهلك اعلن انه هيفحصها للتأكد من سلامتها. و كمان تم تأكيد سلامتها في الإمارات .

الكرش بيظهر نتيجة تراكم الدهون و ضعف عضلات البطن و المياه مافيهاش اي سعرات حرارية و مش بتتحول لدهون لما بتدخل الجسم بالتالي مش مسئولة عن ظهور الكرش. بالعكس.. المياه مفيدة جدا للجسم و ممكن تساعد على التخلص من الكرش مع ممارسة الرياضة و اتباع نظام غذائي صحي.  

تصحيحات تانية لصور هياكل عظمية عملاقة http://dabegad.com/?p=17437 http://dabegad.com/?p=8466 http://dabegad.com/?p=1167 http://dabegad.com/?p=17300 http://dabegad.com/?p=1449

عيسى العوام كان مسلم مش مسيحي و ده موجود في كتاب النوادر السلطانية و المحاسن اليوسفية أو سيرة السلطان الناصر صلاح الدين الايوبي.

الحملة الفرنسية كانت سنة 1798 و المستكشف الدنماركي فريدريك لويس نوردين زار مصر سنة 1737 و رسم ابوالهول بأنف مكسورة .. بالتالي كانت مكسورة من قبل وصول نابليون. المقريزي ( اللي توفي سنة 1442 ) ذكر في كتاب “المواعظ والاعتبار بذكر الخطط والآثار” ان اللي عمل كده شيخ صوفي اسمه …

أول صورتين من اليمن من وقفة تضامناً مع رجاء الحكمي ( واحدة اتحكم عليها بالإعدام علشان قتلت واحد حاول يغتصبها) تالت صورة من وقفة احتجاجية للمطالبة بالإفراج عن المعتقلين في كربلاء

الكلام ده مش في السعودية صورة تكسير المطعم كانت سنة 2012 و قام بيه راجل سكران في الصين. فيه حالات فعلا للابلاغ عن ديدان كانت في مطعم كنتاكي في الصين و في الهند.

طبعا معلومة غلط بحبك بالهيروغليفي مش كلمة واحدة زي العربي تركيب الجملة بيبقى الفعل . الفاعل .المفعول به .. الجملة هتبقى (love i you) : mr i tn ( لو ذكر بيكلم انثى ) mr i tw ( لو انثى بتكلم ذكر )

مش حقيقي اللي طلع الخبر موقع متخصص في تأليف اخبار من النوع ده

عباس بن فرناس من مواليد رُندة في الاندلس سنة 810 و قام بتجربة الطيران في قرطبة و هو عنده 65 سنة (سنة 875) و طار فعلا لمسافة كويسة بس قابل مشاكل في الهبوط علشان تصميمه ماكانش فيه ذيل مع الجناحات و ظهره اصيب بس ما ماتش .. مات بعدها بـ …