الصور دي قديمة ومش متعلقة بالأحداث الحالية . أول صورتين من “سيناء” لكن في مارس سنة 2016 . صورة الشخص اللي بيتحرق من “جنوب أفريقيا” سنة 2008 .

(صراحة) موقع مش أبليكيشن، لغاية الوقت ده مافيش له أبليكيشن على الموبايلات. اللي عمل الموقع شاب سعودي اسمه زين العابدين توفيق. الموقع مالوش أي صلاحيات أنه يدخل على صورك أو يتحكم في الكاميرا أو في تطبيقات تانية زي WhatsApp. الموقع مايقدرش يكشف هوية اللي بعت الرسالة لأن اللي بيبعت مابيسجلش …

ده خبر ساخر نزل على جريدة الأهرام الكندية و موقع نيوز لندا و الخبر مكتوب بصيغة ساخرة من سنة 2015

طبعاً مش حقيقي ، ده عمل فني لنحات ألماني سنة 2012 نشر الصور دي على الفيس بوك بغرض البيع ، لكن بعض المواقع نقلت الصور وكتبوا عليها الإشاعة دي .

طبعاً دي مجرد هرتلة وللأسف ناس كتير مصدقة ! دي فعلاً صورة الأميرة “مادلين” بنت ملك السويد ، لكن مالهاشأي تصريح بخصوص السيسي أو حتى مصر .

الصورة من السعودية لشركة إسمها “رضوى” .أقدام وهياكل الفراخ بتتباع في مصر من زمان ومش مرتبطة بنظام حكم معين .

القصة تأليف ( بس المرة دي تأليف اجنبي و احنا ترجمنا بس ) المصورة قالت ان مافيش حاجة من دي حصلت , دي انثى فهد مسكت ظبي ( مش غزال ) و كانت بتعلم ولادها ازاي يقتلوه.

دي صورة لحشد “Nuremberg Rally” وكان فيه حوالي 800 ألف شخص ، انما اكبر حشد في تاريخ البشرية كان في مهرجان في الهند وكان في 2013 وكان فيه 30 مليون شخص

دي صورة في انديانابوليس في امريكا من 2011

اللي تحت على اليمين بيعبر عن الجيش العراقي . اللي عدل الصورة شال الـ 3 نجوم من الصورة الأصلية عشان يبان إنه علم مصر .