دي كانت فلوس و اسلحة تاجر مخدرات في المكسيك

(ده ماتش قديم ( الاهلي و الملعب المالي في ٢٠١٥ ماتش الأهلي و زيسكو اكرامي كان لابس برتقالي مش اخضر

اللي في الصورة ده امريكي من اصل هندي وانقذ الناس فعلا عن طريق فتحه لباب خلفي في الملهى اللي حصل فيه اطلاق النار بس هو هندوسي مش مسلم .. هو جندي سابق في الجيش الأمريكي و بيشتغل حارس في الملهى.  

الفيديو ده اعلان عن ماراثون خيرى فى اسبانيا بيتعمل من سنة 1992 لتمويل ابحاث علمية طبية . علشان كدة الاعلان بيتكلم عن المشاركة . لكن الفيديو مش لدراسة حقيقية . https://www.youtube.com/watch?v=54qmYvlQ-Sg

دي مش فلوسه ده ديكور للتصوير.

اللي نزل البوست صفحة بتدعي إنها الصفحة الرسمية لوزير الدفاع الإسرائيلي وإسمها “افكادوا دوبرمان” ! “دوبرمان” ده نوع من الكلاب ، وزير الدفاع إسمه “ليبرمان” .التصويت بيكون سري ومبيتقالش على الدول اللي صوتت ،جريدة “القدس العربي” هي أصل الخبر وقالت طبقاً لمصادر دبلوماسية فيه 4 دول عربية صوتوا لإسرائيل ومقالتش …

السفينة اللي لقت حطام الطائرة والصندوق الأسود سفينةفرنسية إسمها “John Lethbridge“ ودي سفينة مؤجرة من الحكومة المصرية للبحث عن حطام الطائرة .أمريكا هتبعت فريق لكن ده فريق تحقيقات هيشاركوا فى تحليل بيانات الصندوق الاسود

مش حقيقي، ده لينك Spam بينتشر مع الكومنت وممكن ياخد صلاحيات أنه ينشر بدالك على فيسبوك، وسامسونج نفت الأخبار دي، ده غير أن سامسونج موجودة من سنة 1938،يعني من حوالي 78 سنة.

محافظ السويس منع السباحة في المنطقة اللي حصل فيها الحادث فقط ، وقال إنها منطقة جبلية بتبعد 6 كم من الشواطئ ، وإن شواطئ العين السخنة آمنة .

اللي مع الحاجة زينب ده ابنها مش جوزها، وجوزها متوفي من سنة 1991 ومفيش شبه بينهم، وابنها قال عمرنا ما قابلنا مبارك، غير ان صورة الراجل اللي مع مبارك كانت في 2005 و جريدة الدستور قالت ايامها انه كومبارس. زوج الحاجة زينب https://www.youtube.com/watch?v=aydv96oSvTk