ده تمثال لفنان أسترالي اسمه Ron Mueck شغال في انجلترا.

الفيديو متركب .. عاملينه بيمشي لما بيقول “وياه أنا ماشي ماشي ماشي” .. و بيرجع لما بيقول “ أنا راجع للمحبوب” . في الفيديو الأصلي مش بيعمل كدة طبعا

ولا السيسي ولا البعثة الدبلوماسية الحالية ليهم علاقة بالمخالفات دي. فيه مخالفات بحوالي 2 مليون دولار لبعثة مصر فعلا بس دول مخالفات لحد سنة 2002 بعد كدة القانون اتغير و مخالفات بعثة مصر من2002 لحد دلوقتي أقل من 5000 دولار.

أولا دي صورة زياد الجراح مع محمد عطا ( بتوع احداث 11 سبتمبر ) مالهمش أي علاقة بأبوبكر البغدادي. ثانيا ابوبكر البغدادي أسمه الحقيقي ابراهيم عواد ابراهيم علي البدري .. بالتالي أخوه أكيد اسمه مش هيبقى محمد بكر البغدادي. اللي طلع الخبر موقع اسرائيلي ساخر و فيه مواقع افتكرته بجد

عنوان الخبر غلط اللي اتباع عمارة في 9 شارع الثورة مش قصر البارون نفسه ( اللي موجود في شارع العروبة )

البنت اللي نايمة ( Milly ) مش بنت الأب و الأم اللي بيتجوزوا بنتهم اسمها ( Rosy ) و ليها أخ اسمه ( Billy ) و ده واضح في أول درس في الكتاب.

الصورة من بنجلاديش في ابريل 2011 لمظاهرات ضد قانون بيساوي بين الرجل و المرأة في الميراث.

وزارة الأوقاف نفت الكلام ده و قالت ان قرار الوزارة هو عدم استخدام مكبرات الصوت في اقامة الصلاة أو الصلاة نفسها أو قرأن الفجر و التواشيح اللي قبل الصلاة

دي كانت مبادرة شعبية لإلزام الحكومة بدفع مبلغ 2800 دولار لكل شخص في سويسرا سواء كان بيشتغل أو لأ . وبحسب القانون السويسري من حق أي مواطن إنه يعرض مبادرته للإستفتاء بشرط إنه يجمع 100 ألف توقيع من الشعب . والحكومة السويسرية رفضت المبادرة دي وقالت إنها مخلة بالنظام الإقتصادي …

ناسا ماقالوش أي حاجة من الكلام ده. الخبر كتبه صحفي في موقع أخبار متعود يكتب مواضيع غلط عن نهاية العالم.