البوست

تصوير بطئ لفيديو الكنيسة
الناس اللى بتشتغل جرافيك لو نزلت الفيديو بتاع تفجير كنيسة الاسكندرية
وحطيته على برنامج الافتر افكت ومشيت فريم فريم هتلاقى ان الشاب اللى
داخل من البوابة مش هو اللى انفجر وان التفجير جاى من مكان تانى وقبل ما
الصورة تختفى هتلاقى ان التفجير بدأ والشاب اللى على البوابة زى ما هو وان
التفجير من على شمال الكاميرا الخارجية وليس من اسفل على الارض

الحقيقة

اولا أي تفجير بيحصل هتلاقي ان فيه ضوء بيحصل و بعدها الحاجة بتبدأ تتفجر و تتكسر بس طبعا بالعين المجردة عمرك ما هتلحق تشوف ده.

ثانيا ده تصوير موبايل لشاشة عرض كاميرات المراقبة و دي حاجة ماينفعش تحكم من خلالها ( لأن كاميرات المراقبة بتصور بـ frame rate مختلف عن تصوير الموبايل و كاميرات المراقبة عندها حساسية عالية للضوء و الموبايل و هو بيصور بيظبط التصوير حسب الاضاءة .. الخ ) فكل دي عوامل ممكن تزود أو تشيل تفاصيل في الفيديو النهائي.

ثالثا بالنسبة للبوست اللي بيقول التفجير بدأ من جوة الكنيسة فهو صور متقطعة و مش كاملة غير ان في التفجير الحاجة مش بتفضل ثابتة مكانها و بتتحرك في كل الاتجاهات ( عملنا فيدو بيوضح ان مركز التفجير من عند البوابة في المصادر ) و فيه فيدوهات تانية لتفجيرات بتوضح النقطة الأولى.