البوست

اكتشاف كارثة تهدد حياة المصريين .. إياك والأكل من عربيات الفول في الشوارع !
5 يناير، 2015، الساعة 05:04 مساءً
انشرت جريدة التحرير في وقت سابق من هذا الشهر تحقيقا صحفيا يتناول الأضرار المختلفة لاستخدام مادة الـ”إديتا” في عربيات الفول بهدف تقليل الوقت المستغرق في تسويته وبالتالي التقليل من تكلفة الغاز المستهلك .( يمكنك الاطلاع على ما جاء في هذا التحقيق
كانت هذه أوقع كلمات للصحفي الذي توغل داخل مجتمع “معلمين” عربيات الفول في مختلف مناطق القاهرة والجيزة ليكشف سر استخدام مادة الـ”إديتا” المستخدمة في عربيات الفول ! ولم يقتصر الأمر على القاهرة الكبرى فقط , بل امتد استخدامها إلى محافظات مصر المختلفة .
تبدأ القصة أواخر الأسبوع الماضي عندما كشف طبيب عن أن بعض عربيات الفول المنتشرة بكثرة في الشوارع والميادين تستخدم مادة تسمى “إديتا” أو “EDETA” , المادة التي تعمل

الحقيقة

بالنسبة لبوست الفول اللي كل الناس بتسألنا عنه:

قبل ما نتكلم في التقرير لازم نعرف ان المادة البيضاء دي بيتم استخدامها في مجالات كتير زي الطب و حفظ الأغذية و الصناعة و البحث العلمي و مصرح بيها من منظمة الصحة العالمية (WHO) و هيئة الدواء والغذاء الأمريكية (FDA) لو بتتاخد في الحدود المسموح بيها اللي هي 2,5 ميلجرام لكل كيلو .. يعني لو واحد وزنة 80 كيلو ممكن ياخد لحد جرام و نص في الأسبوع.

بالتالي لو افترضنا ان التقرير صح و بتوع الفول بيحطوا 5 معالق كبيرة فده هيبقى فوق الحد المسموح بيه لو الواحد بياكل فول من ده كل يوم.

الحسبة:

5 معالق يعني 75 جرام .. على 20 كيلو فول .. يعني الطبق (100 جرام فول) هيبقى فيه حوالي 0.375 ميلجرام يعني لو واحد 80 كيلو مافروض ماياكلش اكتر من 4 اطباق في الأسبوع من الفول ده.

نيجي بقى للتقرير .. مليان غلطات تخلينا نشك فيه:

1-المادة اسمها الإدتا (EDTA) مش الإيديتا (إيديتا دي شركة).
2-منظمة الصحة العالمية اسمها اسمها (WHO) مش (UNISEF) – ال(UNICEF) دي منظمة الأمم المتحدة للطفولة و بتتكتب بال C مش S.
3-حاسب ان طبق الفول فيه 10 جرام ! و ده لو حقيقي كنا متنا من زمان .. و لو 10 جرام فده معناه حوالي 130 معلقة مش 5 معالق.
4-كاتب انهم ادوا الفار 2.5 جرام في اليوم! و فضل 90 يوم بيشوفوا هيحصله ايه .. الفار وزنه حوالي ربع كيلو يعني مفروض ياخد في اليوم 0.000625 جرام .. يعني أخد 4000 ضعف اللي مفروض ياخده في اليوم!! يعني مفروض كان يموت بعد كام يوم!
5-قال ان الجرعة المسموح بيها من 3-5 جرامات في الأسبوع لو واحد 100 كيلو و في الحقيقة هي أقل من 2 جرام.

الخلاصة .. تأكل فول ولا لأ؟

الموضوع مطاط و نسبي و مانقدرش نقول أيوة أو لأ.
على حسب مصداقية التقرير اصلا..الفول فيه المادة ولا لأ..لو فيه ,فيه قد ايه؟ انت كام كيلو و هتاكل منه قد اية؟

*ملحوظة:فيه جريدة نزلت تصحيح و قالوا ان الجرعة المسموح بيه 2.2 جرام لكل كيلو و هي ميلجرام مش جرام.