Da Begad ? ده بجد شوف اللي بتعمله بوست بجد ولا لأ
البوست
بخصوص الخبر بتاع غرق 500 طن فوسفات فى النيل الى اعلامالعسكر مكتم علية ومش جايب اى سيرة عن الموضوع .. خلاصة
الموضوع :
حمولة الصندل وقعت فى نهر النيل العظيم .. 500 طن من الفوسفاتالصخرى غرقت …. يحتوى طن الفوسفات على 200 جرام يورانيوم !!! يعنىعندنا فى النيل ساعة كتابة السطور 10 ك يورانيوم مشع !!!
الحقيقة
أولا الخبر مش متكتم عليه و نزل في كل الجرائد.
ثانيا اللي غرق ده مش قرص فوار هيتحلل في المياه .. الفوسفات اللي غرق ده حجر خام و ده شحيح الذوبان جدا و علشان يتم إستخلاص الفوسفات منه بيبقى بطرق صناعية و كيميائية معقدة و اليورانيوم اللي فيه بيعدي بمراحل اكثر تعقيدا علشان يتم استخلاصه و لو فرضنا انه فضل في المياه هيحتاج مئات السنين علشان يعمل تأثير .. مش كام يوم.
الملوثات الصناعية و الزراعية اللي بتترمي في النيل كل يوم أخطر 1000 مرة من الصخرة اللي وقعت.