الحقيقة

قصة الفيروس اللي ضرب المزارع دي من وحي خيال اللي عمل الفيديو. الفراخ اللي بتتباع دي مستوردة و مش فاسدة و مش ممنوعة في كندا اللي اتسحب في كندا كانت علب شوربة فراخ نودلز من نفس الماركة دي عشان العلب كانت منتفخة و كانت class 3 اللي هي خطورة منخفضة.



الفراخ الموجودة حاليا في الأسواق بتتباع رخيصة بـ 12 أو 13 جنيه عشان تاريخ صلاحيتها قرب ينتهي ( ينتهي في نهاية شهر فبراير و مارس ).

الخطورة ان الفراخ دي فيه منها بيتباع في الشارع على الرصيف مش في محلات جوة تلاجات .. عشان الفراخ المجمدة تفضل صالحة لازم تحفظ في مكان بارد طول الوقت و التغليف بتاعها يبقى سليم و مفرغ من الهواء ( مش تسيح في الشارع و بعدين تتجمد تاني و تتباع ) فلو مسكت فرخة مجمدة و حسيت ان فيها من جوة اجزاء من الثلج أو مياه أو تغليفها مش قافل على الفرخة تماما ماتشتريهاش.