أرشيف الوسم : ساخر

ده فيديو تمثيل من برنامج فرنسي ساخر اسمه Groland le Zapoï. والفيديو بعنوان قتل مستحق.

مش حقيقي ، اللي طلع الخبر موقع ساخر والناس صدقت . كمان سفارة الدانمارك في مصر ( المسؤولة عن تأشيرات ايسلاندا في مصر ) كتبوا بوست مخصوص عشان الطلبات اللي جاتلهم للحصول على العرض ده. ووزارة الخارجية الفنلندية نفة الخبر بعد ما جالهم طلبات كتير جدا.

الخبر ده على موقع أخبار لندا و ده موقع أخبار ساخر و موضحين كده على موقعهم.

مش حقيقي، باسم يوسف هيعمل برنامج جديد اسمه The Democracy Handbook هيتعرض على النت على موقع F-Comedy.

داعش ماقالوش الكلام ده ده خبر كان نازل على الموقع الساخر اخبار لاندا و من شهر ابريل اللي فات .. بس في مصر فيه صحفيين مايعرفوش الفرق بين وكالات الأنباء و المواقع الساخرة.

مش حقيقي اللي طلع الخبر موقع متخصص في تأليف اخبار من النوع ده

الخبر كان نازل في موقع CBC الكندي و معاه تقرير صوتي بيوضح ان الخير هزار .. بس معظم الناس ماسمعتش التقرير و اكتفت بالخبر و راديو كندا كتبوا بعد كده شرح ان الخبر مجرد جزء من برنامج ساخر جديد على الراديو.

أولا دي صورة زياد الجراح مع محمد عطا ( بتوع احداث 11 سبتمبر ) مالهمش أي علاقة بأبوبكر البغدادي. ثانيا ابوبكر البغدادي أسمه الحقيقي ابراهيم عواد ابراهيم علي البدري .. بالتالي أخوه أكيد اسمه مش هيبقى محمد بكر البغدادي. اللي طلع الخبر موقع اسرائيلي ساخر و فيه مواقع افتكرته بجد

دي موديل و صورها بتتباع في موقع متخصص لبيع الصور دي .. موقع بلجيكي ساخر فبرك القصة و مواقع الأخبار عندنا نقلت منه على ان الموضوع بجد !!!

خبر كاذب اللي طلعه موقع جزائري ساخر اسمه le competiteur و كاتبين ان كل المواضيع اللي بيكتبوها مش حقيقية.