أرشيف الوسم : محافظ

الصورة قديمة من 2016 في محافظة الفيوم لطلبة مدرسة الشواشنة الابتدائية  وهما بيعدوا من على الجسر الخشبي قدام المدرسة بتاعتهم .

الشخص اللي في الصورة مش مصري، وماكانش محافظ الأقصر. محافظ الأقصر التابع للجماعة الإسلامية كان اسمه عادل خياط، واستقال بعد تعيينه بأسبوع واحد بسبب الاحتجاجات على تعيينه.  

محافظ المنوفية اتقبض عليه فعلا لكن مش مراته اللي بلغت عنه، العنصر النسائي مش موجود في إدارات الرقابة بالمقر الرئيسي او المحافظات، فيه عامل سابق هو اللي بلغ عنه.

ما اعترفش ولا حاجة، دي كانت بلاغات متقدمة ضد 12 قيادة من قيادات الطيران المدني واللي من ضمنهم المهندس عاطف عبدالحميد، وتم فحص البلاغات دي بمعرفة نيابة الأموال العامة وإدارة الكسب غير المشروع وانتهت بصدور قرار بحفظ الأوراق لعدم وجود شبهة عدوان على المال العام. ومحافظة القاهرة نفت إنه تم …

دي كانت مبادرة من حملة “ القلوب البيضاء” لتركيب 100 مروحة و 2 مبرد بمستشفى الإسماعيلية ، و المحافظ حضر التركيب عشان يشجعهم .

محافظ السويس منع السباحة في المنطقة اللي حصل فيها الحادث فقط ، وقال إنها منطقة جبلية بتبعد 6 كم من الشواطئ ، وإن شواطئ العين السخنة آمنة .

مش صحيح . تم تعيين محافظ جديد للشرقية وإسمه خالد محمد سعيد.

البوست على طريقة “ ولا تقربوا الصلاة ” . المحافظ قال كده فعلاً ولكن ضمن كلامه عن الأمطار والمحافظة عملت إيه عشان تمنع تراكم المياه ، وقال “ إن المطر لما بينزل الشوارع بتتبل أهم حاجه مايكونش فيه تراكمات للمياه تعيق حركة المرور . طبيعي لما ينزل مطر الناس بتهدي …

الصورة من أكتوبر 2011 والمحافظ وقتها كان أسامة الفولي مش هاني المسيري . ودي كانت صورة لعربية منسق اللجان الشعبية للدفاع عن الثورة بالإسكندرية سيد عز الدين مش عربية المحافظ وcbc عرضت الفيديو وقتها .

ده مش تاتو .. دي كانت مسابقة ترايثلون ( سباق ثلاثي فيه سباحة و بعدها دراجات و بعدها جري ) كانت في سهل حشيش في ديسمبر 2014 و ده رقمه كمتسابق ( 59) .