Da Begad ? ده بجد شوف اللي بتعمله بوست بجد ولا لأ

مش حقيقي، ده طفل إسمه”Jake Monreal” ودي مدربة رقص وإسمها”Jenna Johnson” والفيديو سنة 2016 من برنامج  “So You Think You Can Dance : The Next Generation”

محافظ المنوفية اتقبض عليه فعلا لكن مش مراته اللي بلغت عنه، العنصر النسائي مش موجود في إدارات الرقابة بالمقر الرئيسي او المحافظات، فيه عامل سابق هو اللي بلغ عنه.

الناس الي بتشتري تخلي بالها، لكن الصورة دي مش في مصر.الصورة موجودة على النت من 2016 وفيه ناس كتير عملت فيديوعن المشكلة دي لكن كلها مش في مصر. * الصفحة اللي نزلت البوست قالت إن حد بعتلهم في الرسائل وقالهم إنشروه فنشروه على طول !

مش حقيقي، ودي مش كرة كأس العالم 2018.

مش حقيقي، وحسام البدري نفى الكلام ده. “اوباميانج” مولود في فرنسا وطول عمره بيلعب في أوروبا. في موسم 2011 كان بيلعب في الدوري الفرنسي مع نادي”موناكو” وإنتقل منه لنادي “سانت ايتيان”.

الصورة فوتوشوب، والخبر مش حقيقي. الصورة من جريدة الوطن الكويتية سنة 2014 وكانت عن توجه لزيادة الرسوم المالية الخاصة بإستخراج تصاريح العمل للشركات .

هو نفى كل الكلام ده في إتصال هاتفي باليوم السابع وعرض صورة لصحيفة الحالة الجنائية الخاصة بيه. وقال إنه كان فيه محضرين “مشاجرات” ضده من 20 سنة وانتهوا بالبراءة أو تنازل الطرف الآخر.

الصورة فوتوشوب لكن الخبر حقيقي من رأس السنة في 2017.

أول صورة عبارة عن نحت يدوي لفنانة بإستخدام صلصال صناعي . الصور التانية حقيقية لنبات ”Tulip Orchids” ده نبات بينمو في مناطق إستوائية زي كولومبيا وممكن يتزرع في أماكن تانية لكن بيحتاج لدرجات حرارة دافئة ، والموضوع مالوش علاقة ببيت لحم .

دا محل حلاقة في ولاية تكساس إسمه“Legends Barbershop”