Da Begad ? ده بجد شوف اللي بتعمله بوست بجد ولا لأ

الحشرة موجودة فعلا و بيتم استخدامها لإستخراج اللون الأحمر. بس الكلام على انها مسرطنة و بتسبب حساسية غلط تماما, بالعكس, استخدامها افضل من استخدام الألوان الصناعية و مصرح باستعمالها عالميا. الخطر الوحيد ليها هو لو حد عنده حساسية منها.

فوتوشوب .. دي الصورة الاصلية

الصورة من نيجيريا بعد اعتداء على مسيحيين في مارس 2010

أولا: مفيش حاجة إسمها القانون العسكرى الدولى. ثانيا: بعض الدول بتشترط فى رتبة المشير الإشتراك فى حرب و البعض لأ .. مثلا الأمير تشارلز حاصل على رتبة Field Marshal الموازية لرتبة مشير بدون ما يشارك فى أى حرب.

أولا معتز محمد بيشتغل في مجال الإعلام من زمان و ليه صور مع مشاهير كتير. ثانيا الجمعية نفت اكتر من مرة إن ليهم أي انتماءات سياسية ووزارة التضامن أكدت ده. ثالثا جمعية رسالة فيها متطوعين من كل الاتجاهات و رأي أي شخص فيهم لا يمثل رأي الجمعية نفسها.

توفي النبي صلى الله عليه و سلم في شهر ربيع الأول سنة 11 هجرية ( يونية سنة 632 ) بالتالي مالوش علاقة بيوم رأس السنة

الصورة من النمسا مش المانيا في محطات المترو وكانت حملة دعائية عملتها منظمات اسلامية غير حكومية (der Islamischen Föderation)

دي نكتة قديمة بس مش حقيقية طبعا.. ولا الوزير الحالي اسمه كده ولا فيه وزير سابق بالاسم ده. الوزير الحالي اسمه  Yasuhisa Shiozaki و الوزير السابق اسمه تمورة (Norihisa Tamura)

الصورة من بورما فعلا بس ده كان اعصار اسمه نرجس حصل في 2008 و توفي فيه ما بين 85 إلى 130 الف. و دي كانت اسوأ كارثة طبيعية في تاريخ بورما.

خبر متفبرك. مفيش حاجة من الكلام ده على رويترز. و كل التقارير و البيانات الصحفية الصادرة من وزارة المالية السويسرية موجودة على الموقع بتاعهم و مفيش حاجة طبعا عن الموضوع ده.