Da Begad ? ده بجد شوف اللي بتعمله بوست بجد ولا لأ

الفيديو لجنود بيتعاقبوا في الجيش الأردني .

دي صورة معمولة فوتوشوب مش مبنية، عملها الفنان السوري “تمام عزام”، وهو مقيم في دبي من بدايات الثورة السورية وأغلب أعماله صور Digital

المتحدث الرسمي بإسم الرئاسة الروسية  والمتحدث الرسمي لوزارة الدفاع الروسية نفوا الكلام ده ، وكمان السفارة المصرية في روسيا قالت انه كلام غير منطقي ، كمان مصر قدمت  طلب شراء أنظمة الحرب الإلكترونية  وأنظمة الإتصالات والتحكم  وكمان مروحيات الكاموف كاتران من روسيا لصالح حاملتي الميسترال وفي عناصر من القوات البحرية …

ده سائق توك توك فعلا اتقتل في 2015 وملوش دعوة بالسائق التاني.

ده بوست صاحبه عدل فيه بتاريخ 20 أكتوبر 2016 ونزله على سبيل الهزار مع أصحابه وإنتشر على إنه توقع حقيقي من 2011, فيه صفحات شالت البوست بعد ما عرفت إنه متعدل وصفحات لسة مشالتهوش

مش حقيقي مفيش خبر نزل على اليوم السابع بالمضمون ده, ده لينك مزيف من برة يبان إنه اليوم السابع بس ال url مختلف. ممكن قبل ما تدوس على لينك شاكك فيه , تقف عليه بالماوس الأول وهيبان العنوان الحقيقي في المتصفح من تحت عشان محدش يضحك عليك.

اشاعة تم نفيها من وزارة التعليم و من محافظ الفيوم و بعدها شبكة رصد اللي طلعوا الخبر اعتذروا هما كمان عن نشر الخبر. بس فيه صفحات نقلت الخبر و لسة بينتشر و بيتضاف عليه صور قديمة كمان.

الصورة قديمة من 2013

دي مجرد إشاعه ظهرت في المنتديات على انها حلم لكل العرب ، وتم نفيها بعد كده

معظم الشوارع في المعادي بالأرقام ، والرقم اللي اتجدد في الصورة ده رقم المنزل مش رقم الشارع لإن بعض الشوارع اتعاد ترقيم البيوت فيها من جديد