Da Begad ? ده بجد شوف اللي بتعمله بوست بجد ولا لأ

مش حقيقي ده 3D Animation واللي عامل الفيديو كاتب كده

علمياً غير ممكن اغتصاب بشر لكلبة صاحبة الحالة ماتعرفش حاجة في مجال الكلاب و كانت فاكراها حامل ، و كتبت البوست عشان الناس تساعدها و الدكتور المعالج في التشخيص المبدئي رجح ان التهتك في الجهاز التناسلي بسبب 3 احتمالات:( عصا أو آلة حادة./ أثناء الولادة/أثناء الجماع) و عملها عملية استئصال …

ده مش موقع بريطاني . اللي طلع الخبر ده موقع إسمه “ميدل إيست اوبزرفر ” وده مقره في تركيا وأغلب اللي بيكتبوا فيه أتراك وأعضاء في حزب العدالة والتنمية (الحزب الحاكم) وهو اللي طلع إشاعة رشوة ساعات الرولكس للسيسي ومسحوه بعدين .بالنسبة للأنفاق الموضوع مش سري والحكومة أعلنت عنها. وقالت …

إشاعة واخوه محمد ابو حجاج نفى الخبر ده.

اشاعة .. هو بس كتب تويتة للتعاطف مع الضحايا .. بس كدة. غير انه لسة ماعتزلش رسمي و فيه احتمال كبير يلعب في الدوري الأمريكي.

مش حقيقي طبعاً ده مش السنة اللي فاتت ولا الحكومة الكندية لاحظت الشباب وسفرهم وعملت أي حملة ليهم .اللي عمل كده شركة بيرة كندية سنة 2013 كنوع من الدعاية والتلاجات كان فيها بيرة ، ومكنش فيها أي جمل أو كلمات .

فوتوشوب ، ده بركان في إندونيسيا و الصورة من فبراير 2014  

دي حادثة في نيجيريا في مدينة لاجوس. عصابة في نيجيريا ضربوا و حرقوا الولد ده عشان سرق أكل.

  ده فيديو قديم من سبتمبر اللي فات لانفجار صاروخ لـ Spacex في فلوريدا بأمريكا كان عليه القمر الإسرائيلي عاموس 6 و تمنه 200 مليون دولار كان هدفه توفير النت لأفريقيا بدعم من مؤسسة فيسبوك  

الحركة دي اسمها رقصة داب واول حد عملها فريق راب امريكي في 2015، وبعد كده بدأت تستخدم كأحتفال في كرة القدم والعاب تانية.