Da Begad ? ده بجد شوف اللي بتعمله بوست بجد ولا لأ

التحذير دة موجود من سنة 2001 مبدئياً الست الي في الصورة هي الايرانية ندا أغا سلطان قتلت بالرصاص في اثناء الاحتجاجات التي تلت الانتخابات الرئاسية سنة 2009 واصلا هل دا منظر واحدة ماتت مسمومة ؟؟ وطبعاً موضوع أكل الجمبري مع فيتامين سي بيجيب تسمم دة أي كلام اضربوا جمبري ونوروا …

مفيش اي بحث اتعمل بيقول ان المادة الي في ضهر الكارت بتسبب السرطان ومفيش هيئة اسمها هيئة البحوث الطبية في الولايات المتحدة واصلا مفيش مادة اسمها نايترو اوكسيد الفضة فيه مادة اسمها اكسيد النيتروس ودي معروفة باسم غاز الضحك والخامة الي معمول منها الجزء بتاع الخربشة اسمه لاتكس وعلي العموم …

سبحان الله فعلاً , دا فيلم ياباني اسمه gamera the brave انتاج سنة 2006

سبحان الله .. الفيلم اتعمل سنة 2012 و صورة الراجل ميت في 2001 و بعدين ده منظر واحد مات محروق؟

بفض النظر عن انها مش افيد حاجة تتاكل خصوصا لو كترت منها ( زي معظم الأكل السريع و المعلبات ) بس الكلام انها بتسبب كل البلاوي دي غير صحيح تماما و المادة اللي بيقولوا انها هي اللي بتسبب ده (e621) مصرح بيها عادي و خطورتها زي خطورة الملح كده

الصورة من الهند من عملية “Operation Green Hunt” ضد متمردين من الحزب الشيوعي الهندي (الماوي) في يونيو 2010

الصورة من فيلم نيبالي إسمه ( Shirish ko Phool ) وهو عن رواية نيبالية معروفة بنفس الإسم

دي طريقة لعقاب الأطفال في الهند. فيه كمان أطفال مش بتعيط و بتضحك بس اتشالوا من البوست عشان الحبكة الدرامية.

الصورة من تسونامي سنة 2004

ده كان انفجار في الكونغو في 3 يوليو 2010 بسببه توفي حوالي 235 شخص و اصيب حوالي 190