Da Begad ? ده بجد شوف اللي بتعمله بوست بجد ولا لأ

اولا دي أغنية Feels like home لمغنية اسمها Chantal Kreviazuk . ثانيا أم الطفلة دي هي اللي شايلاها و بتسمعها أغنية كانت في الفرح بتاعهم. https://www.youtube.com/watch?v=C2qMQvkSwOQ

دي بنت مصرية اسمها وفاء نمير مالهاش علاقة بفريدوم هاوس و لا ال CIA معلومة : في معظم الأوقات الجواسيس مش بيتصوروا صور تذكارية مع اصدقائهم الجواسيس.

لأ طبعا التويتة دى متفبركة دي اخر تغريدات الرادعي تقدر تخش من المصادر على حساب البرادعى تتأكد بنفسك.  

أولا: اسمه “سيشوار” مش “استشوار” ثانيا: فكرة عمله أنه بيستخدم الكهرباء فى تسخين الهوا بواسطة سلك نيكل كروم و المروحة اللى جواه بتطلع الهوا, نتيجة العملية دى بيتولد مجال كهرومغناطيسى و كان السؤال : هل المجال ده مضر ولا لأ؟ فى الفترة الأخيرة اتعملت احصائيات فى دول كتير افادت إن …

ده مش ثروت صلاح شحاته .. ده خالد شيخ محمد من تنظيم القاعدة و من مدبرى 11 سبتمبر و موجود فى معتقل جوانتاناموا من 2006

الصورة من اغسطس 2013 لمسلمين بيصلوا قدام كنيسة فى سوهاج لحمايتها.

مشروع الطائرة حلوان كان موجود فعلا و اتعمل منها 3 نماذج (اخر نموذج كان سرعته ضعف سرعة الصةت فعلا). كانت من تصميم المهندس الألماني Willy Messerschmitt. المشروع اتلغى و مادخلش مرحلة التصنيع النهائي لأسباب كتيرأهمها هزيمة 67

ده EXTENSION انت بتضيفه للـ BROWSER اللى شغال عليه و مش هتشوف غير الناس اللى بتستخدم نفس EXTENSION ده عندهم. فيسبوك مبيسمحش ان حاجة زى دى تتعمل حتى بواسطة تطبيق. و بينصح بعمل ريبورت لأي تطبيق بيقول انه هيخليك تشوف مين زار بروفايلك

أي كلام طبعا مفيش حاجة أسمها حد يشتري الانترنت! الخبر نزله موقع متخصص في تأليف الأخبار الساخرة و كاتبين كده بنفسهم. غير إن الخبر نفسه مكتوب فيه كلام ميتصدقش زي ان فيسبوك بيمتلك ٣ دول كاملة.

دى ولا رابعة و لا كيييف  دى بلد فى اوكرانيا اسمها بالأوكراني Рава-Руська و بالإنجليزي RAVA RUSKA