Da Begad ? ده بجد شوف اللي بتعمله بوست بجد ولا لأ

أولا دي دراسة لسة مش قرار. ثانيا الموضوع مش إلغاء مجانية التعليم في المطلق دي الدراسة الجامعية بس و اللي هيدفع المصروفات كاملة هو الطالب اللي هيسقط. ( الأقتراح هو ان اللي هيجيب اكتر من %70 مش هيدفع .. لو جاب نسبة ما بين %65 لـ%70 يدفع نسبة من المصروفات …

اللي في الصورة مش رئيسة كرواتيا دي ممثلة اباحية اسمها Danielle , رئيسة كرواتيا اسمها Kolinda Grabar-Kitarović

الصورة قديمة و دي اعلانات بتعملها منظمات اسلامية هناك

الزعماء كانوا في مسيرة لوحدهم.

وزير الزراعة الدكتور عادل البلتاجي نفى الخبر.

الفيديو حقيقي بس الموضوع قديم من 2012 و البنت ما ماتتش و الراجل ده اتمسك و اخد حكم بالسجن 4 سنين. و برر اللي عمله ده بأنها بصتله بصة ماعجبتوش ( حسسته انه فقير ) .

وزير التجارة الكويتي نفى الإشاعة و قال انه ماستقبلش أي وفود مصرية و انه راح مع الوفد الكويتي اللي استقبل و ودع السيسي بس و كان سايب تليفونه في العربية كمان.

حركة الضوء اللي في أول الفيديو دي اسمها Lens Flare بتحصل بسبب انعكاس الضوء على عدسة الكاميرا. بالنسبة للصورة اللي في اخر الفيديو فدي تركيب صورة حمامة فوق الكعبة. و الشيخ عائض القرني نفى الفيديو ده.

الأرقام بالشكل المعروف عند العرب (۱، ۲، ۳، ٤، ٥، …) اسمها الأرقام الهندية، أما الأرقام بالشكل ده (1, 2, 3, 4, 5, ….) نشأت في الهند ووصلت أوروبا في القرن العاشر عن طريق العرب، ولأن في أوروبا ماكانوش يعرفوا منشأ الأرقام دي فبقت معروفة  باسم “الأرقام العربية” يعني الأرقام …

دي مظاهرات للشيعة في القطيف في أكتوبر 2014 اعتراضا على حكم الإعدام  لرجل الدين الشيعي السعودي المعارض نمر النمر