Da Begad ? ده بجد شوف اللي بتعمله بوست بجد ولا لأ

مش حقيقي، في أكتر من نادي فازوا ببطولة الدوري المحلية في بلدانهم أكتر من النادي الأهلي زي نادي رنجرز الأسكتلندي ب 54 بطولة ولينفيلد الأيرلندي ب 52 بطولة وسيلتك الأسكتلندي 48 بطولة وأولمبياكوس اليوناني 44 بطولة.  

الفراخ الفاسدة دي كانت في الأردن مش مصر ( و ده واضح من لبس الشرطة في الصور ) و كمان مالهاش علاقة بمطعم كنتاكي. شركة دواجن الوطنية قالت في بيان أن سبب التلف هو سوء التخزين في مستودعات العميل اللي اشتراها منهم من شهرين.

فوتوشوب. الصورة الأصلية نزلت على صفحة قطرية قبل الصورة المتفبركة بيومين. الصورة الأصلية: الصورة المعدلة:

مفيش تهم بخطف أو قتل أو تفريغ لجثث من الأعضاء البشرية، التهمة الموجهة من النيابة العامة هي استئصال (الكلية) من بعض الأفراد باستغلال حاجتهم المادية وزرعها لبعض المرضى الأجانب في مستشفيات وأماكن غير مرخصة لعملية نقل وزرع الأعضاء، وصورة البوست دي من 2012 لطفلة من الفلبين اسمها Daisy تم قتلها …

فوتوشوب بوتين مش موجود في الصورة دي اصلا

مصر ما ينفعش تمنع أي دولة من المرور في قناة السويس لأنها ممر ملاحي عالمي والمرور فيها بينظمه اتفاقية القسطنطينية سنة 1888 اللي بتنظم حرية الملاحة فيها. اللي حصل إن السفن القطرية غيرت مسارها لتجنب المرور في قناة السويس.

دي قاعدة باكلي الجوية في ولاية كولورادو سنة 2012 كان بنك الطعام وزع عليهم اكل قبل عيد الشكر.

الفيديو منتشر على النت من 2011 على إنها مساعدات عسكرية من الجيش السوداني للثوار في ليبيا . * عمر البشير ليه تصريحات قال فيها إنه قدم مساعدات للثوار في ليبيا رداً على دعم القذافي لعمليات تمرد في السودان .

الصفحة اللي عملت الفيديو نفت ان اي حد منهم اتقبض عليه او حصل له حاجة.

فوتوشوب معمول على سكرين شوت من نشرة أخبار في 2014 وطبعا ناس كتير كالعادة صدقت